सहकारी उत्पादनमा जोडिनु पर्छ : मन्त्री अर्याल तिवारी
वालिङ :
गण्डकी प्रदेशका उर्जा जलस्रोत तथा खानेपानी मन्त्री सरस्वती अर्याल तिवारीले सहकारीहरु उत्पादनमा जोडिनु पर्ने बताउनु भएको छ । शनिबार वालिङ प्रोडक्ट होल्डिङ बहुउद्देश्यीय सहकारी संस्था लिमिटेड तेस्रो साधारण सभाको उद्दघाटन गर्दै मन्त्री तिवारीले सहकारीहरु उत्पादनमा जोडिनु अनिवार्य रहेको स्पष्ट पार्नु भयो ।
पछिल्लो समय सहकारीमा देखिएको विकृत्तिलाई रोक्न सेयर सदस्यहरु चनाखो हुनुपर्ने मन्त्री अर्यालको भनाई छ । सहकारीले आफ्ना सदस्यहरुको बचत फिर्ता गर्न नसक्ने, सहकारी नै डुब्ने घटनाहरु देशभर फैलिरहेको भन्दै यसलाई रोक्न बेलैमा सदस्यहरु संयम चनाखो र सचेत बन्न आवश्यक रहेको मन्त्री तिवारीले बताउनु भयो ।
सहकारी आफ्नो नीति र सिद्धान्तलाई आत्मसाथ गरेर पारदर्शी तवरले चल्नुपर्ने भन्दै मन्त्री तिवारीले सहकारीले अनुत्पादक क्षेत्रमा लगानी गर्न नहुँने बताउनुभयो । मन्त्री तिवारीले भन्नुभयो, “आफ्ना सदस्यहरुको आर्थिक स्थिति वृद्धि गर्नका लागी खोलिएका सहकारी नीति र सिद्धान्त विपरित रुपमा अगाडि बढ्दा विभिन्न समस्या आईरहेका छन् ।” सहकारी धरासयी हुनबाट बच्न समयमै सहकारीका सदस्यहरु चनाखो बन्नुपर्नेमा उहाँको जोड थियो ।

कार्यक्रममा वडा नं. ५ का अध्यक्ष छविलाल आले, नेपाल शिक्षक संघका केन्द्रिय उपाध्यक्ष लक्ष्मीप्रसाद रेग्मी, सेयर सदस्यहरु महेश गुरुङ र चण्डिका सापकोटा अर्याल गायतले बोल्नुभएको थियो । कार्यक्रममा सहकारीका अध्यक्ष, कोषाध्यक्ष, सचिव, लेखा संयोजक, प्रबन्धकको प्रतिवेदन समेत प्रस्तुत गरिएको थियो । कार्यक्रम सहकारीका अध्यक्ष ल्या. यामबहादुर गुरुङको अध्यक्षतामा सम्पन्न भएको थियो भने स्वागत उपाध्यक्ष नेत्रप्रसाद सुवेदी र संचालन सदस्य भोजराज गुरुङले गर्नुभएको थियो ।
सहकारीले पर्यटकीय क्षेत्र वालिङ ५ पित्लेकमा साधारण सभा गरेको हो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


