पुतलीबजार : छैटौँ राष्ट्रपति रनिङ शिल्ड खेलकुद प्रतियोगिता सम्पन्न

स्याङ्जा :

रोशनी आवासीय माविले पुतलीबजार नगरपालिकाले आयोजना गरेको छैटौँ राष्ट्रपति रनिङ शिल्ड खेलकुद प्रतियोगिता उपाधि जितेको छ ।

पुतलीबजार नगरपालिका १ मालेबगर खेल मैदान भएको खेलकुदमा रोशनीले १२ स्वर्ण, तीन रजत र एक कांस्य पदक जिल्दै उपाधि जितेको हो । रोशनीले प्रथम हुँदै रनिङ शिल्ड सहित, कप, मेडल र प्रमाण पत्र हात पारेको हो ।

दोस्रो भएको कोल्मा बराहचौर माविले तीन स्वर्ण, दुई रजत र दुई कांस्य पदक जितेको हो भने भूपू सैनिक आवासीय माविले दुई रजत र दुई कांस्य पदक जित्दै तेस्रो बनेको हो । सान्त्वना स्थान हात पारेको मातृभूमि माविले एक स्वर्ण, चार रजत र एक कांस्य पदक जितेको हो ।

२४ विद्यालयको सहभागिता रहेको प्रतियोगितामा ६९१ खेलाडी सहभागिता रहेको थियो । प्रतियोगितामा प्रथम र दोस्रो तथा समूहगतमा एक टोलीले पुस ८ गतेबाट सुरु हुने १२औँ जिल्ला स्तरीय रनिङ शिल्ड खेलकुदमा सहभागिता जनाउने छन् ।

Facebook Comments Box