फेदीखोला गाउँपालिकाद्वारा भुकम्प प्रभावितलाई झण्डै ६ लाख सहयोग

स्याङ्जा :
स्याङ्जाको फेदीखोला गाउँपालिकाद्वारा भुकम्प प्रभावितलाई झण्डै ६ लाख सहयोग गरेको छ ।
जाजरकोट भुकम्प प्रभावित क्षेत्रको सहयोगार्थ फेदीखोला गाउपालिकाका जनप्रतिनिधिहरुको मासिक सुबिधाको पचास प्रतिशत रकम अर्थात रु दुई लाख ४१ ह्जार ७५० रुपैया,
यस्तै गाउँपालिका स्थायी/करार/ज्यालादारी कर्मचारीको एक दिनको तलब रकम रु एक लाख पाँच हजार ३३२ तथा सामुदायिक बिद्यालयमा कार्यरत शिक्षकहरु बाल शिक्षक/ बिद्यालय कर्मचारी/आइटी शिक्षकको एक दिनको तलब रु दुई लाख ३० हजार २७३ रुपैया गरी पाँच लाख ७७ हजार ३५५ रुपैया सहयोग प्रदान गरिएको गाउँपालिकाका अध्यक्ष घनश्याम सुवेदीले जानकारी दिनुभयो । उहाँले यो रकम प्रधानमन्त्री राहत कोषमा सहयोग गर्ने निर्णय भएको जानकारी दिनुभयो ।