चापाकोट नगरपालिकाले अतिबिपन्न ५ परिवारलाई घर बनाइदिने

स्याङ्जा:

चापाकोट नगरपालिकाले पालिकाभित्रका अतिबिपन्न ५ परिवारलाई घर बनाइदिने भएको छ।

घरवार विहीन अति विपन्न ५ परिवारलाई एक÷एक वटा सामान्य घर निर्माण गरिदिने नगर प्रमुख देवबहादुर खाण (ईश्वर) ले जानकारी दिनुभयो ।

दिनभर अरुको काम गरेर रातमा आफनै घरमा आरामले सुत्न पाउन भन्ने उदेश्यले यसबर्ष ५ वटा घर निर्माण गर्ने योजना बनाएको उहाले बताउनुभयो ।

उनका अनुसार, ‘यसवर्ष वडा नं. ७ का सीता दर्जी, वडा नं. ४ का रोमन विक र केशबहादुर दमै, वडा नं. १० का माया भट्टराई र दिवस विकको घर बनाउनेछौं।’े

हाल घरवार बिहीन भएर भाडामा बस्दै आउनु भएका ती परिवारलाई नगरपालिकाले बासको ब्यवस्थापन गरिदिन लागेको उपप्रमुख इशा रानाले जानकारी दिनुभयो ।

जनश्रमदान बाहेक प्राबिधिक ईष्टमेट अनुसार १५ लाख खर्च गरिने पालिकाले जनाएको छ।