स्याङ्जाको गल्याङमा कार दुर्घटना हुँदा तीनजना घाईते ।

वालिङ :
स्याङ्जाको गल्याङमा कार दुर्घटना हुँदा तीन जना घाईते भएका छन् ।
सिद्धार्थ राजमार्ग अन्तर्गत स्याङजाको मालुङ्गामा गएराती कार दुर्घटना हुँदा तीन जना घाईते भएका हुन् । बुटवलबाट पोखरा जाँदै गरेको ग २ च २१७४ नम्बरको कार सिद्धार्थ राजमार्गबाट करिब तीन सय मिटर तल खसेको प्रहरीले जनाएको छ । दुर्घटनामा परि कारमा सवार कास्कीको पोखरा महानगरपालिका वडा नं. ११ बस्ने ४३ बर्षीय सुमन गुरूङ, वडा नं ३० बस्ने २८ बर्षी उत्तम भण्डारी र पोखरा कै वडा नं. ५ बस्ने ३५ बर्षीय सन्दिप थकाली घाईते भएकाछन् ।
घाईते तीनै जनालाई गल्याङ नगर अस्पतालमा प्राथमिक उपचार गरि थप उपचारका लागि मनिपाल शिक्षण अस्पताल पोखरा पठाइएको जिल्ला प्रहरी कार्यालय स्याङ्जाका प्रबक्ता प्रहरी नायव उपरिक्षक रबिन्द्र खनालले जानकारी दिनुभयो ।

Facebook Comments Box