भ्रष्टचारीलाई कारबाही गरी देशमा शुसासन कायम गर्नुपर्छ : मन्त्री गुरुङ
वालिङ,जेठ २७ गते ।
कानुन, न्याय तथा संसदीय मामिला मन्त्री धनराज गुरुङले नागरिकलाई शुसासन महशुस गर्ने गरी काम गर्ने बताउनुभएको छ । शनिबार नेपाली कांगे्रस क्षेत्र नं. २ स्याङ्जाद्धारा प्रथम क्षेत्रिय सम्मेलन, रक्तदान तथा सम्मान कार्यक्रम सहित विविध सांस्कृतिकलाई सम्बोधन गर्दै मन्त्री गुरुङले भ्रष्टचारीलाई कारबाही गरी देशमा शुसासन कायम गर्नुपर्ने बताउनुभएको हो ।
भ्रष्टाचारी प्रवृत्ति भएका जोकोहीलाई पनि कारवाहीको दायरामा ल्याउनुपर्ने भन्दै अनुसन्धानलाई अझै प्रभावकारी ढंगले अगाडि बढाउने र दोषीलाई उम्कने वातावरण सृजना नहुाने मन्त्री गुरुङले बताउनुभयो । नेपालमै रहेका संभावनाहरुको उजागर गरी देशलाई आत्मनिर्भर बनाउनुपर्ने भन्दै नेपालमा गाँजाखेतिलाई कानुनले मान्यता दिने गरी काम अगाडि बढेको भन्दै अव देशका गाँजा खेति हुने स्थानहरुमा यसको व्यवसायिक खेति गरिने बताउनुभयो । औषधीय प्रयोजनका लागि गाँजा खेती गरिने भन्दै यसको लागी आवश्यक कानुन निर्माण गरी यसका मापदण्डहरु समेत रहने मन्त्री गुरुङको भनाई छ ।

क्षेत्रिय समितिले सम्मेलनका अवसरमा वालिङ बहुमुखी क्याम्पस, तथा स्याङ्जा क्षेत्र नं. २ मा स्थायी घर भई बिभिन्न स्थानमा रहेको क्याम्पसमा नेविसंघको तर्फबाट निर्वाचित भएका स्ववियु सभापति, पदाधिकारी तथा टिमलाई सम्मान गरेको हो ।
रक्तदान कार्यक्रममा ३१ जनाले रक्तदान गरेका छन् । कार्यक्रममा गण्डकी प्रदेश सांसद भोजराज अर्याल र कल्पना तिवारी, पुर्व सांसद मोहन पाण्डे, काँग्रेस स्याङ्जाका कार्यबहाक सभापति केदार काफ्ले, वालिङ नगर उपप्रमुख कविता तिवारी गैह्रे, युवा नेता विष्णु पौडेल, गल्याङ नगरसभापति श्यामप्रसाद बस्याल लगायतले बोलेका थिए ।
सम्मेलनको खुला सत्रमा पार्टीका ३० जनाले आआफ्ना जिज्ञासा तथा सुझावहरु राखेका थिए । कार्यक्रममा अन्य पार्टी परित्याग गरी कांगे्रसमा प्रवेश गरेका छन् । क्षेत्रिय सभापति दिलिपप्रताप खांणको सभापतित्वमा सम्पन्न कार्यक्रममा स्वागत उपसभापति अर्जुनप्रसाद खनाल र संचालन सचिव फणिनारायण रेग्मी दिपकले गर्नुभएको थियो ।
कार्यक्रममा काँग्रेसको नीति तथा कार्यक्रम लगायतका बारेका छलफल गरिएको थियो ।


समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


