आँधीखोलाको म्हाँजु भञ्ज्याङ पार्कको स्तरउन्नति

स्याङजा :

आँधीखोला गाउँपालिका वडा नं १ मा नयाँ पर्यटकीय गन्तब्यको विकास गरिएको छ । म्हाँजु भञ्ज्याङ पार्कलाई गाउँपालिकाको अग्रसरतामा पर्यटकीय गन्तव्यका रुपमा विकास गर्न लागिएकोे हो ।

उक्त ठाउँमा आकर्षक पार्क निर्माणाधीन छ । आँधीखोला गाउँपालिका र जीबिकोपार्जन पुनरूत्थानका लागि दीगो पर्यटन परियोजना (एसटीएलआरपी) सँग सम्पन्न सम्झौता बमोजिम पार्कको स्तरोन्नति गरिएको हो । गोरूजुरेसम्म पैदल मार्ग निर्माणको कामसमेत भइरहेको छ ।

पालिकाको १८ लाख ४५ हजार रुपैयाँ र दीगो पर्यटन परियोजनाको तर्फबाट १५ लाख रुपैयाँ लगानीमा पार्क स्तरोन्नति भइरहेको गाउँपालिकाका अध्यक्ष विश्वनाथ पौडेलले जानकारी दिनुभयाे ।

यसैबीच, पार्कको स्तरउन्नतिसँगै आवश्यक संरचना निर्माणको पालिका अध्यक्ष पौडेल लगायतको टोलीले प्रत्यक्ष अवलोकन गरेको छ ।

आगामी असोज मसान्तसम्ममा उक्त निर्माण कार्य सम्पन्न गरिने उहाँले बताउनु भयाे । ‘उत्कृष्ट प्रकृति छटाले भरिपूर्ण गन्तब्य म्हाँजु भञ्ज्याङमा सबैलाई हार्दिक स्वागत छ,’ अध्यक्ष पौडेलले भन्नुभयाे। भञ्ज्याङको स्तरउन्नतिसँगै पर्यटक बृद्धि हुने विश्वास गरिएको छ ।

Facebook Comments Box