राष्ट्रपतिको उम्मेद्वारीको लागि रामचन्द्र पौडेल र सुवास नेम्वाङको मनोनयन दर्ता ।
काठमाण्डौ:
राष्ट्रपतिको उम्मेद्वारीको लागि नेपाली कांग्रेसबाट रामचन्द्र पौडेल र एमालेबाट उपाध्यक्ष सुवास नेम्वाङले मनोनयन दर्ता गरेका छन्।
उनिहरुले शनिबार दिउँसो बानेश्वरस्थित निर्वाचन अधिकृत कार्यालयमा पुगेर उम्मेदवारी दर्ता गराएका हुन्। रामचन्द्र पौडेलको साथमा कांग्रेस सभापति शेरबहादुर देउवा, प्रधानमन्त्री तथा माओवादी अध्यक्ष पुष्पकमल दाहाल लगायत थिए।
पौडेलको प्रस्तावकमा कांग्रेस सभापति शेरबहादुर देउवा, नेकपा एसका अध्यक्ष माधव कुमार नेपाल, नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठ ,नागरिक उन्मुक्तिकी रन्जिता श्रेष्ठ ,जनमत पार्टीका नेता अब्दुल खान, जसपाका नेता अशोक राई रहेका छन्।
यस्तै समर्थकमा लोसपा अध्यक्ष महन्ठ ठाकुर ,राष्ट्रिय जनमोर्चाका अध्यक्ष चित्र बहादुर केसी,कांग्रेस उपसभापति पूर्ण बहादुर खड्का र माओवादी नेता हितराज पाण्डे रहेका छन्। राष्ट्रपति उम्मेदवारका लागि रामचन्द्र पौडेललाई आठ दलले सघाउने निर्णय गरेका थिए।
नेम्वाङले भने ओलीसहित ५ जना प्रस्तावक र योगेशसहित ५ जना समर्थनमा उम्मेदवारी दर्ता गराएका हुन्।
उम्मेदवारी दिनका लागि एमाले अध्यक्ष केपी शर्मा ओली, राष्ट्रपति उम्मेदवार सुवास नेम्वाङ, एमाले सचिव योगेश भट्टराई, जुली महतो कार्यालय पुगेका थिए।
यसअघि एमालेको सचिवालय बैठकले सुवास नेम्वाङलाई उम्मेदवार बनाउने निर्णय गरेको थियो।
समाचार
थप सामाग्री
सहकारीको ऋण समयमै चुक्ता नगरे कडा कानुनी कारबाही गरिने
१ महिना अगाडि
स्याङ्जा : स्याङ्जाको बिरुवा गाउँपालिकाले आफ्नो क्षेत्रभित्र सञ्चालित सहकारी संस्थाहरूबाट ऋण लिई समयमै सावाँ तथा ब्याज भुक्तानी नगर्ने ऋणीहरूलाई तत्काल…
Recent Posts
-
स्याङ्जामा बाँदर आतंक ‘पाकेको बाली भित्राउनै पाउँदैनन् किसान’
१ महिना अगाडि
-
हाम्रो संस्कार र संस्कृति विषयक वक्तृत्वकला प्रतियोगिता
२ महिना अगाडि
-
गल्याङमा कृषि बजार केन्द्र शुभारम्भ
२ महिना अगाडि
-
विद्यालयमै केरा खेती : उद्यमी बन्दै विद्यार्थी
२ महिना अगाडि
-
चालक–सहचालकलाई दश लाखको दुर्घटना बिमा
२ महिना अगाडि
-
विद्यार्थीलाई झोला
२ महिना अगाडि
-
अनुदानमा कृषि औजार वितरण
२ महिना अगाडि
-
सुत्र प्रणालिको प्रभावकारीता : स्थानीय सञ्चितकोष व्यवस्थापन प्रणाली
२ महिना अगाडि
-
गरिमा विकास बैंक लिमिटेड “बेस्ट म्यानेज्ड डेभेलपमेन्ट बैंक २०२६” बाट सम्मानित
३ महिना अगाडि
-
शनिबार र आइतबार दुई दिन बिदा दिने सरकारको निर्णय
४ महिना अगाडि