कालीगण्डकी गाउँपालिकामा खेलकुद महोत्सव एवं अध्यक्ष कप प्रतियोगिता शुरु ।

स्याङ्जा, फागुन ९ गते । कालीगण्डकी गाउँपालिका ७ मिर्मीमा चौथो अध्यक्ष कप वृहत् खेलकुद प्रतियोगिता सुरु भएको छ ।

मिर्मीमा रहेको खेलमैदानमा फुटबल, भलिबल, टेबल टेनिस, ब्याड्मिन्टन महिला तथा पुरुष र क्रिकेट पुरुष हुनेछन् ।

पालिकामा खेलकुदको विकास गर्ने उद्देश्यले आयोजना गरिएको प्रतियोगितामा अध्यक्ष कपमा १९/१९ स्वर्ण, रजत र कांस्य पदक हुने पालिका अध्यक्ष खिमबहादुर थापाले बताउनुभयो ।

प्रतियोगितामा प्रतिनिधिसभाको सभामुख देवराज घिमिरेले उद्घाटन गर्नुभएको हो । खेलकुदमा प्रत्येक वडाका खेलाडीले मार्चपास गरेका थिए ।