गण्डकी-कांग्रेस संसदीय दलको नेतामा भोजराज अर्याललाई हराउँदै सुरेन्द्र पाण्डे विजयी ।
पोखरा:
नेपाली कांग्रेस गण्डकी प्रदेश संसदीय दलको नेतामा सुरेन्द्र पाण्डे विजयी भएका छन् । प्रतिस्पर्धी भोजराज अर्याललाई हराउँदै विजयी भएका सुरेन्द्र पाण्डेले १८ मत प्राप्त गरेका छन् । अर्यालले भने ८ मत प्राप्त गरेका थिए ।
प्रदेशसभा सदस्य कल्पना तिवारीका अनुसार एक मत बदर भएको थियो । लामो समयसम्म चलेको छलफलमा सर्वसम्मत नेता चयनमा सहमति नजुटेपछि बुधबार दिउँसो १ देखि २ बजेसम्म मनोनयन दर्ता गरिएको थियो । दुवै जनाले मनोनयन फिर्ता लिन मानेनन् । त्यसपछि ३ देखि ४ बजेसम्म मतदान गरिएको निर्वाचन अधिकृत विष्णुप्रसाद लामिछानेले जानकारी दिए । पाण्डे संस्थापन पक्षका हुन् भने अर्याल इतर पक्षका हुन् ।
पाण्डेलाई विन्दुकुमार थापाको प्रस्ताव र टकराज गुरुङको समर्थन थियो । अर्याललाई महेन्द्रध्वज जिसी प्रस्तावक र पार्वती तामाङ समर्थक बसेका थिए । गण्डकी प्रदेशसभामा सबैभन्दा ठूलो दलको हैसियतमा रहेको कांग्रेसले प्रत्यक्षतर्फ १८ र समानुपातिकतर्फ ९ गरी २७ सिट जितेको छ । यिनीहरुले माओवादी केन्द्रको समर्थनमा चुनाव जितेका थिए । चुनावसम्मको पाँच दलीय गठबन्धन टुटेपछि कांग्रेस अहिले प्रतिपक्षको भूमिकामा रहने भएको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


