सत्तारुढ गठबन्धन सातुको डल्लो हो : एमाले अध्यक्ष ओली ।
कात्तिक २१ गते ।
नेकपा (एमाले)का अध्यक्ष केपी शर्मा ओलीले सत्तारुढ गठबन्धन सातुको डल्लो भएको बताउनु भएको छ । उहाँले भन्नुभयो, ‘ यो सत्तारुढ सातुको गठबन्धनलाई परमादेशको पानीले जोडिदिएको छ, जुन सहजै छुटिने स्पष्ट छ ।’
नेकपा एमाले स्याङ्जाले पुतलीबजारमा आयोजना गरेको चुनावी सभामा बोल्दै ओलीले गठबन्धन दिशाहिन विचारहिन र गन्तव्यहिन भएको बताउनु भयो ।
गठबन्धनका नेताहरु स्वार्थका खेलाडी भएको अध्यक्ष ओलीको आरोप छ । एमाले सरकारले बिगतमा निक्कै राम्रा काम गरेको भन्दै ओलीले फेरी पनि मंसिर ४ गते पछि एमालेको सरकार बन्ने दावी गर्नुभयो ।

यसपटकको चुनाव मुलकलाई उज्यालो र अध्यारो तर्फ लैजानको लागि महत्वपूर्ण भूमिका रहन्छ ओलीले भन्नुभयो,‘ एमाले सरकारले मात्रै देशमा संमृद्धि ल्याउन सक्छ ।’
ओलीले गुमेको जमिन वार्ताबाट मात्र फिर्ता ल्याउन सम्भव भएको बताउनु भयो । उहाँले भन्नुभयो,‘मैले दार्चुलामा गएर जमिन फिर्ता ल्याउने भने जवाफमा शेरबहादुर देउवाजीले बन्दुक लिएर सीमानामा जानु भन्नुभएछ,’ उहाँले भन्नुभयो, ‘प्रचण्डको संगत गरेपछि बन्दुकको भाषण गर्न थाल्नु भएछ ।
ओलीले २०४२ सालमा स्याङजाको जेलमा बसेको स्मरण गर्दै स्याङ्जाका दुवै क्षेत्रमा एमालले जित्ने बिश्वास व्यक्त गर्नु भयो ।
सभामा संघिय निर्वाचनका लागि एमालेबाट स्याङ्जा क्षेत्र नम्बर १ का उमेद्वार नारायण मरासिनी र क्षेत्र नम्बर २ का पद्मा कुमारी अर्याल लगायतले सम्वोधन गरेका थिए ।





समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


