निष्ठाको राजनिति गर्नेलाई भोट दिनुस : गुरुङ, राजनितिलाई कमाई खाने भाँडो बनाउदिन : अर्याल
स्याङ्जा :
स्याङ्जा क्षेत्र नं.२ का प्रतिनिधी सभा उम्मेदवार धनराज गुरुङले निष्ठाको राजनिति गर्ने उम्मेदवारलाई मंसिर ४ को चुनावमा आफ्नो अमुल्य मत दिन मतदातालाई आग्रह गर्नुभएको छ । पछिल्लो समय पैसाद्धारा भोट किन्ने पद्दतिको विकास भईरहेको भन्दै पैसा नलिएर निष्ठावान नेतृत्वलाई चुन्न उहाँले आग्रह गर्नुभएको हो । शनिबार भीरकोट नगरपालिका ६ र ७ को विभिन्न स्थानहरुमा गरिएको कोणसभालाई सम्बोधन गर्दै उहाँले यस्तो बताउनुभएको हो ।
भ्रष्ट प्रवुत्ति मौलाईरहेको र भ्रष्ट मति भएकाहरुले गरेको भ्रष्टाचारको पैसामा आफ्नो अमुल्य मत नबेच्न उहाँको अनुरोध छ । भ्रष्टाचार गर्नु महापाप भएको भन्दै भ्रष्टाचार गरेर कमाएका पैसाद्धारा मत किन्न खोज्नु र पैसाकै पक्षमा लाग्नु दुवै गलत भएको बताउनुभयो । नागरिक चनाखो हुने बेला आएको भन्दै भ्रष्ट प्रवृत्तिका विरुद्ध भोट नै देश बिकासको शुरुवाति जग हुने उहाँको भनाई छ । जब सम्म भ्रष्टाचार गरेको पैसाले मत किन्ने प्रवृत्तिको अन्त्य हुँदैन तबसम्म देशमा भ्रष्टाचार गर्ने बढिरहने उहाँको भनाई छ ।

कार्यक्रममा प्रदेश (क)का प्रदेश सभा उम्मेदवार भोजराज अर्यालले राजनितिलाई कमाई खाने भाँडो नबनाउने बताउनुभएको छ । धेरै नेताहरुले राजनितीलाई कमाई खाने भाँडोको रुपमा उपयोग गरेको भन्दै आँफुले राजनितिलाई कहिल्यै पनि कमाई खाने भाँडोको रुपमा नहेरेको उहाँको भनाई छ ।
साथै उहाँले भ्रष्टाचार कहिल्यै पनि नगर्ने संकल्पका साथ निर्वाचनमा होमिएको र भ्रष्टाचार गरेको पनि नरुचाउने साथै कसैलाई पनि भ्रष्टाचार गर्न नदिने बताउनुभएको छ । उहाँले जति काम गर्न सक्छु त्यति नै काम गर्ने प्रतिबद्धता जाहेर गर्नुभएको छ । जे पनि गर्छु भनेर नागरिकलाई धोका दिने काम आफँबाट कहिले पनि नहुने उहाँले उल्लेख गर्नुभएको छ ।
कार्यक्रममा समानुपातिक उम्मेदवार सरस्वति अर्यालतिवारी, कल्पना तिवारी, महासमिति सदस्य छायाराम खनाल, भीरकोट नगर सभापति यामप्रसाद अधिकारीलगायतको सहभागिता थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


