शिशिर पंगेनी बचाऔं अभियान : पौडेलले गरे २० हजार सहयोग ।

स्याङ्जा २२ असार ।
रक्त क्यान्सर भए पछि उपचाररत रहेका वालिङ नगरपालिका वाड नं १० का शिशिर पंगेनीलाई सहयोग आउनेक्रम शुरु भएको छ । उहाँको उपचारका लागि सहयोग पुर्याउने उद्देश्यले सञ्चालन गरिएको अभियान अन्तर्गत वालिङ १० का सूर्यप्रसाद पौडेलले २० हजार एक सय सहयोग प्रदान गर्नु भएको छ ।
समाजसेवामा सक्रिय पौडेलले पंगेनीका परिवारलाई उक्त रकम हस्तान्तरण गर्नु भएको हो । बाढि पहिरोबाट बिस्थापित भएका दुई परिवारलाई पौडेलले बिगत २ बर्षबाट निशुल्क रुपमा आश्रय दिदै आउनु भएको छ ।
१८ वर्षिय पंगेनीलाई रक्त क्यान्सर पुष्टी भएपछि अहिले सिभिल अस्पताल मिनभवन काठमाण्डौमा उपचाररत रहनु भएको छ ।
उहाँलाई बोनम्यारो प्रत्यारोपणका लागि परिवारलाई रकम सहयोग गरिदिन अपिल गरेपछि सहयोग जुट्न शुरु गरेको हो । लामो समयसम्म अस्पतालमै बस्नुपर्ने र उपचारको लागि ४० देखि ५० लाख सम्म खर्च अनुमान परिवारजनले गरेको छ ।
शिशिरका परिवार वालिङका सामान्य परिवार हुन् । उहाँका बावु आमा खेती किसान गर्ने कृषक हुनुहुन्छ । छोराको उपाचारका लागि आफूसंग भएको र आफन्तहरुसंग ऋण सहयोग मागेर १० लाख उपचारमा सकिसकेको उहाँकी आमा सीता पंगेनीले वताउनु भयो । छोराको उपचारमा ठूलो रकम लाग्ने भएपछि छोराको जीवन रक्षाको लागि देश तथा विदेशमा सहयोगी संघ संस्था र व्यक्तिसंग आग्रह गरेकी छु, सबैले सहयोग गरे छोराको ज्यान बच्ने आशामा छु भक्कानिदै सीताले सबैसंग अपिल गर्नुभयो ।
शिशिरको उपचारको लागि खर्च जुटाउन अभियान अन्तर्गत उहाँकै नाममा मुक्तिनाथ विकास बैंकमा खाता खोलीएको छ भने लक्ष्मी बैंकमा अर्काे खाता खोलिएको छ ।
पंगेनीको मुक्तिनाथ विकास बैंकको खाता नं ०४८२२३००९०३४२४०००००१ र लक्ष्मी बैंकको खाता नम्वर ०३२२००४१५४५ मा सहयोग गर्न सकिने परिवारले जनाएको छ ।