गरिमा बैंकद्धारा सुरक्षा बेल्ट हस्तान्तरण

प्रकाश डोटेल,
स्याङ्जा, जेठ १८ :

गरिमा विकास बैंकले जिल्ला प्रहरी कार्यालय स्याङ्जालाई सुरक्षा बेल्ट हस्तान्तरण गरेको छ । बैंकका प्रमुख कार्यकारी अधिकृत गोविन्द प्रसाद ढकालले २ सय ७२ थान रात्रिकालिन सुरक्षा बेल्ट जिल्ला प्रहरी कार्यालय स्याङ्जालाई हस्तान्तरण गरेका हुन् ।

सामाजिक उत्तरदायित्व काम गर्दै आईरहेको बैंकले सोहि अन्र्तगत गणतन्त्र दिवसको अवसर पारेर सो सामग्री हस्तान्तरण गरेको हो । रात्रिकालिन अवस्थामा खटिने ट्राफिक प्रहरीहरुका लागि अत्यन्त आवश्यक सुरक्षा बेल्ट प्रहरीलाई हस्तान्तरण गरेको छ ।

सदैव संस्थागत सामाजिक उत्तरदायित्वलाई प्राथमिकतामा राखेर बैंकले समाजको विकास र स्तरोन्नतीका लागि निरन्तर काम गर्दै आईरहेको बैंकका पुतलीबजार शाखा प्रमुख प्रेमकिशोर अर्यालले जानकारी दिए ।

गरिमा विकास बैंकले नेपालभर १ सय २१ शाखा कार्यालय, १ एक्स्टेन्सन काउन्टर र ५१ एटिएम मार्फत सरल, सुलभ एवं सुरक्षित सेवा प्रदान गर्दै आईरहेको बताएको छ ।

Facebook Comments Box