वालिङ : मुस्लिम समुदायको आपत्ति

वैशाख २१, वालिङ :

मुस्लिम समुदायका सम्पूर्ण ब्यक्तिहरु नेकपा एमालेमा प्रवेश गरे भनी गरिएको प्रचारप्रति कुनै सत्यता नरहेको बताईएको छ ।

मुस्लिम समुदायका ज्येष्ठ नागरिकहरु, महिला तथा यूवाहरु नेपाली काँग्रेसको पार्टी कार्यालयमा उपस्थित भई आँफूहरु कुनै पनि पार्टीमा नगएको र नेपाली काँग्रेसमै रहेको बताउनुभएको हो ।

सीमित ब्यक्ति गएपनि मस्लिम समुदायका धेरैको संख्यामा कार्यकर्ताहरु नेपाली काँग्रेसमै रहेको र पार्टी छाडेर नजाने प्रतिबद्धता जनाउनुभएको हो ।

“हामी नेपाली काँग्रेस पार्टी छाडेर गएका होईनौं र जाँदा पनि जाँदैनौं” मुस्लिम समुदायका युवक अहमद अलीले भन्नुभयो, “सामाजिक सञ्जालमा आएका कुराहरु भ्रमात्मक हुन् यसमा कुनै सत्यता छैन ।”

मुस्लिम समुदायको माग र सुनुवाईकाबारेमा ध्यान दिने पार्टी नेपाली काँग्रेस भएको दाबी गर्दै उहाँले मुस्लिम समुदायका यूवाहरु झनै सशक्त भएर चुनाव प्रचार प्रसारकालागि घरदैलो अभियानमा अगाडि बढेको बताउनुभयो ।