गल्याङको मेयर र उपमेयरमा काँग्रेसका भट्टराई र न्यौपाने निर्वाचित ।

वालिङ, जेठ २ गते ।
गल्याङ नगरपालिकामा नेपाली काँग्रेसका उम्मेदवार नगर प्रमुख र उपप्रमुखमा विजय हुनुभएको छ । नेपाली काँग्रेसका उम्मेदवार गुरु प्रसाद भट्टराईले ९६२१ मत ल्याएर नगर प्रमुखमा विजय हुँदा उहाँका प्रतिस्पर्धी नेकपा एमालेका उम्मेदवार सुर्य प्रसाद गैरे ले ८९२२ मत प्राप्त गर्नुभएको थियो । भट्टराईले ६९९ को अन्तरमा विजय प्राप्त गर्नुभएको हो ।
त्यस्तै नेपाली काँग्रेस कै हेमा न्यौपानेले ९११८ मत ल्याएर उपमेयरमा बिजयी हुनु भएको छ । त्यस्तै उहाँका प्रतिस्पर्धी देबि थापा ९०५५ मत ल्याउनु भएको थियो । न्यौपानेले ६३ अन्तरमा विजय प्राप्त गर्नुभएको हो ।