बिभिन्न सहयोग गरेर मनाए वडा अध्यक्षले आफ्नो जन्मदिन ।

भीरकोट :
पछिल्लो समय जन्मदिनको अवसरमा फजुल खर्च गरी रमाइलो गर्ने प्रचलन बढिरहेको छ तर स्याङ्जाका एक वडा अध्यक्षले उदाहरणीय काम गरि आफ्नो जन्म दिन मनाउनु भएको छ ।
भीरकोट जेसिज द्वारा आयोजित शुभकामना आदानप्रदान कार्यक्रममा भीरकोट नगरपालिका वडा नं ५ का अध्यक्ष तथा नेपाली कांग्रेस भीरकोटका पार्टी सभापति याम प्रसाद अधिकारी लक्ष्मण ले दुर्घटनामा परि उपचाररत अवस्थामा रहनुभएका भीरकोट ९ का अनु गुरुङलाई नगद रकम रु ११,५५५/– प्रदान गर्नुभएको छ । त्यस्तै अधिकारले ५५ जना वालवालिका लाइ स्टेशनरी सामग्री समेत वितरण गर्नुभएको छ । अधिकारीले जन्मदिनकै अवसरमा भीरकोट ८ निवासि चोल बहादुर गुरुर्ङलाइ बैसाखी समेत प्रदान गर्नुभएको छ ।

भीरकोट जेसिज स्थापनाकर्ता समेत रहनु भएका अधिकारी राजनीतिसँगै सामाजिक अभियान सञ्चालन गर्दै आउनु भएको छ ।
सोहि अवसरमा भिरकोट तरुण दलका अध्यक्ष राजकुमार गुरुङले युके निवासी सुधा थापाले पठाउनुभएको सहयोग रकम रु ११,२००/– अनु गुरुङ लाइ हस्तान्तरण गर्नुभएको छ ।
भीरकोट जेसीजका अध्यक्ष कृष्ण प्रसाद पौडेलको अध्यक्षतामा सम्पन्न उक्त कार्यक्रमको सञ्चालन महासचिव शुन्दर कोइराला ले गर्नुभएको थियो भने उपस्थित सम्पूर्ण पदाधिकारीले जन्मदिनको अवसरमा शुभकामना आदानप्रदान गर्नुभएको थियो ।