अन्तराष्ट्रिय नारी दिवसका अवसरमा लायन्सद्धारा सुत्केरी महिला तथा विरामीलाई पोशिलो आहार

वालिङ :

११२औँ अन्तराष्ट्रिय नारी दिवसका अवसरमा लायन्स क्लब अफ वालिङ सिटिले सुत्केरी महिला तथा विरामीहरुलाई पोशिलो आहार वितरण गरेको छ । लायन्सले लियो क्लब अफ वालिङ सिटिको सहकार्यमा गह्रौँ प्राथामिक अस्पताल वालिङमा रहनुभएका सुत्केरीलाई पोशिलो आहार तथा फलफुल तथा नवजात शिशुका लागी कपडा र अन्य भर्ना भएर बस्नुभएका विरामीहरु गरी १० जनालाई वितरण गरिएको लायन्सका अध्यक्ष चुत्रकुमारी थापा दुगाले जानकारी दिनुभयो ।

कार्यक्रममा लायन्स क्लबका पुर्व अध्यक्ष तथा एओजि चेतनारायण श्रेष्ठले संविधानले प्रदत्त गरेका महिलाका हकअधिकार कार्यान्वयनका लागी अव महिलाहरु एकजुट हुनुपर्ने बताउनुभयो । कार्यक्रममा अस्पतालका डाक्टर विनोद पौडेलले सुत्केरी तथा विरामीहरुका लागी पोशिलो आहार उपलब्ध गराउनुभएकोमा क्लबप्रति आभार व्यक्त गर्नुभयो । क्लबका अध्यक्ष  चुत्रा कुमारी थापा (दुर्गा)को सभापतित्वमा सम्पन्न कार्यक्रमको सञ्चालन सचिव स्वाँ श्रेष्ठ र स्वागत लियो क्लबका खुमशर्मा पंगेनीले गर्नुभएको थियो । कार्यक्रममा अस्पतालका चिकित्सक, स्वास्थ्यकर्मी तथा लायन्स र लियोका पदाधिकारी तथा सदस्यहरुको सहभागिता थियो ।