स्थानीय तह निर्वाचनमा कांग्रेसले कुनै पार्टीसँग गठबन्धन गर्न हुँदैन: शशांक कोइराला

काठमाण्डौ:
नेपाली कांग्रेसका केन्द्रीय सदस्य शशांक कोइरालाले आगामी स्थानीय तह निर्वाचनमा कांग्रेसले कुनै पार्टीसँग गठबन्धन गर्नु नहुने बताउनुभएको छ ।

बिहीबार बसेको नेपाली कांग्रेसको कार्यसम्पादन समितिको बैठकमा बोल्दै नेता कोइरालाले आगामी स्थानीय तहको निर्वाचनमा कुनै पार्टीसँग गठबन्धन गर्नु नहुने धारणा राख्नुभएको हो ।

बैठकपछि सञ्चारकर्मीलाई संक्षिप्त रुपमा प्रतिक्रिया दिदैँ उहाँले बैठकमा आफ्नो अस्तित्व जोगाउनका लागि अन्य पार्टीसँग नमिलि एक्लै जानुपर्ने धारणा राखेको बताउनुभएको हो । उहाँले भन्नुभयो – ‘मैले भने हामी आफ्नै अस्तित्व जोगाउनुपर्छ । हामी कुनै अर्को पार्टीसँग नमिलेर हामी जानुपर्छ भनेर मैले स्पष्टताका साथ राखें ।’

नेता कोइरालाले एमसीसी परियोजना पारित गर्नुपर्ने बताउनुभयो । स्थानीय तहको निर्वाचन नजिकै आएकाले पार्टीको भातृसंगठनहरुको अधिवेशन निर्वाचनपछि गराउने कुरा भएको पनि उहाँले बताउनुभयो ।

Facebook Comments Box