स्कुल अफ डेमोक्रेसी स्याङ्जाद्धारा आर्थिक अवस्था कमजोर भएका परिवारलाई जस्तापाता

वालिङ, २१ माघ :

स्कूल अफ डेमोक्रेसी स्याङ्जाले आर्थिक अवस्था कमजोर भएका एक परिवारलाई जस्ता पाता उपलब्ध गराएको छ । गल्याङ नगरपालिका ६ सिरुबानी बेतेनीका नैना कुँवरलाई दुई हेण्डल रंगिन जस्तापाता हस्तान्तरण गरिएको स्कुल अफ डेमोक्रेसी स्याङ्जाका उपसभापति एवं काँग्रेस वालिङ नगरसचिव सागर कुँवरले जानकारी दिनुभयो । वडालाई जानकारी गराईएपनि वडाले कुनै सम्बोधन नगरेपछि डेमोक्रेसीका दिप गुरुङको पहलमा विहिबार घरमै पुगेर जस्ता हस्तान्तरण गरेको हो । मिस्त्रि काम गर्दै दैनिक गुजारा गर्दै आउनुभएका कुवँर परिवारको घरमा वर्षातका बेला चुहिने समस्याले परिवार समस्यामा परेका थिए ।

स्कुल अफ डेमोक्रेसीका टिम विशाल बगाले, साजन पंगेनी, रामु सुवेदी, बद्री पंगेनीलगायतका समूहले विहिबार कुँवरको घरमै पुगेर जस्ता हस्तान्तरण गरेको हो । डेमोक्रेसीले कोभिडका बेला समेत एम्भुलेन्सद्धारा २०० विरामीलाई सेवा दिएको थियो भने आगामी दिनमा समेत सामाजिक सेवा भावका साथ अगाडि बढ्ने जनाएको छ ।