कांग्रेस गण्डकीको मतदान सकियो
पोखरा :
नेपाली कांग्रेसको १४ औँ राष्ट्रिय महाधिवेशनअन्तर्गत गण्डकी प्रदेश अधिवेशनको मतदान सकिएको छ । शनिबार बिहान करिब १० बजेदेखि सुरु भएको मतदान अपराह्न सकिएको हो ।
कुल एक हजार १६५ मतदातामध्ये एक हजार १४६ मत खसेको छ । निर्वाचन समितिका संयोजक कृष्ण थापाका अनुसार केही बेरमा मतगणना हुनेछ ।
प्रदेश सभापति पदका लागि अर्जुनप्रसाद जोशी र शुक्रराज शर्मा चुनावी मैदानमा छन् । जोशीले संस्थापन र शर्माले संस्थापनइतर समूहबाट उमेदवारी दिएका हुन् ।
उपसभापति र महामन्त्रीमा चार/चारजनाको उमेदवारी परेको छ । मेखलाल श्रेष्ठ, नेत्र महत, हरिकुमार श्रेष्ठ र कल्पना तिवारी उपसभापतिको दौडमा छन् । मेखलाल र नेत्र संस्थापन पक्षबाट, हरिकुमार र कल्पना इतर समूहबाट उमेदवार बनेका हुन् ।
महामन्त्रीका लागि कुमार खड्का, ईश्वर पाण्डे, किरणबाबु श्रेष्ठ र विष्णु लामिछाने चुनावी मैदानमा छन् । खड्का र पाण्डे संस्थापनबाट उमेदवार बनेका हुन् ।
सहमहामन्त्रीमा ६ जनाको उमेदवारी परेको छ । राजनराज पन्त, झुलबहादुर आले, युवराज बस्ताकोटी, रामचन्द्र जोशी, रमेशकुमार पाण्डे र गणेश सापकोटा सहमहामन्त्रीका उमेदवार छन् । पन्त र आले संस्थापन, जोशी र पाण्डे इतर समूहबाट उमेदवार बनेका हुन् ।
महिला सहमहामन्त्रीमा ओमकला गौतम र कोपिला रानाभाटको उमेदवारी परेको छ । गौतम संस्थापन र रानाभाट इतर समूहबाट उमेदवार बनेका हुन् ।
सभापति एक, उपसभापति, महामन्त्री, खुला सहमहामन्त्री दुई/दुई र महिला सहमहामन्त्रीमा एकजना निर्वाचित हुनेछन् । सदस्य ६० जना निर्वाचित हुनेमा १३२ को उमेदवारी परेको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


