आँधीखोलामा लैंगिक हिंसा बिरुद्ध अन्तरक्रिया,हस्ताक्षर अभियान शुरु ।

स्याङ्जा :
आँधीखोला गाँउपालिकाले लैंगिक हिंसा निरुत्साहित गर्न अन्तरक्रिया गरिएको छ । साथै हिंसा विरुद्ध हस्ताक्षर अभियान समेत शुरु गरिएको छ ।
गाँउपालिकाले आजबाट प्रतिवद्धता सहित लैंगिक हिंसा विरुद्ध हस्ताक्षर संकलन अभियान शुरु गरेको हो । लैंगिक हिंसा सबैभन्दा बढी घर भित्रबाटै सुरु हुने भन्दै यसवर्षको दिवसको नारा नै ‘घरैबाट सुरु गरौँ, महिला हिंसा अन्त्य गरौँ’ राखिएको छ ।
संयुक्त राष्ट्र संघको आह्वानमा विश्व भरिनै आजबाट १६ दिनसम्म विभिन्न कार्यक्रम आयोजना गरी यो दिवस मनाउने गरिन्छ । लिङ्गको आधारमा गरिने सबै खाले विभेद अत्यको लागि यो दिवस मनाउने गरिएको हो । नोभेम्बर २५ बाट सुरु हुने यो अभियान १० डिसेम्बरको दिन सकिन्छ । १० डिसेम्बर अर्थात् विश्व मानव अधिकार दिवसको दिन अभियान समापन हुन्छ ।
लिङ्गका आधारमा हुने सबैखाले हिंसा अन्त्य गर्न हस्ताक्षर संकलन शुरु गरिएको गाउँपालिका अध्यक्ष सुधिर कुमार पौडेलले जानकारी दिनुभयो । उहाँले भन्नुभयो, ‘पालिका भित्र हिंसा रहित शुसासनका लागि आफूहरुको बिशेष ध्यान रहेको छ ।’


पालिकाका उपाध्यक्ष शर्मिला देवी पौडेलले १६ दिनसम्म मनाईने यस अभियानलाई थप प्रभावकारी बनाउन सबैले आ–आफ्नो ठाउँबाट पहल गर्नुपर्ने बताउनु भयो ।
कार्यक्रममा प्रमुख प्रशासकीय अधिकृत युवराज अधिकारीले लिङ्गका आधारमा कोहीमाथि पनि हिंसा गर्न नहुने बताउँदै आगामी दिनमा थप सीप, तालीम तथा प्रशिक्षणका कार्यक्रमहरु ल्याउने उल्लेख गर्नुभयो ।
कार्यक्रममा वडा अध्यक्षहरु,कर्मचारीहरु, बिभिन्न राजनैतिक दलका प्रतिनिधिहरुले आआफ्नो भनाई राखेका थिए ।

Facebook Comments Box

विचित्र संसार

थप सामाग्री
TOP