हरियाली बन्दै वालिङ बजार : सडक बिचको क्यारीमा रोपियो बिरुवा

वालिङ :
वालिङ बजारको केही भागलाई हरियाली बनाईने भएको छ । भर्खर निर्माण गरिएको सडक बिचको क्यारीमा बिरुवा रोपिएको छ ।
वालिङ नगरपालिका स्याङजा र संयुक्त राष्ट्रसंघीय बिकास कार्यक्रम (युएनडिपी) को आर्थिक सहयोग तथा वालिङ प्रोडक्ट होल्डिङ बहुउद्देश्यीय सहकारी संस्थाको व्यवस्थापनमा वालिङमा सञ्चालन भईरहेको “हरियाली पुनःरुत्थान परियोजना” अन्तरगत बिरुवा रोपिएको हो ।
सडकलाई हरियाली बनाउने योजना अनरुप बिभिन्न जातका बिरुवा रोपिएको वालिङ प्रोडक्ट होल्डिङ बहुउद्देश्यीय सहकारी संस्थाका अध्यक्ष ल्याप्टेन याम बहादुर गुरुङले जानकारी दिनुभयो । बृक्षारोपण अभियानको वालिङ नगर प्रमुख दिलिप प्रताप खाँणले शुभारम्भ गर्नु भएको हो ।
वालिङ जैसीपैधेरा देखि मिर्दी सम्मको सडकको क्यारीमा बिरुवा रोपिएको हो ।