३५ वर्षपछि आफ्नो जन्मथलोमा फर्किएका शोभाकान्तलाई स्वागत

Shovakanta lamichhane

तोलाकान्त बगाले/वालिङ :

हराएको ३५ वर्षपछि आफ्नो जन्मथलोमा फर्किएका ४६ वर्षीय शोभाकान्त लामिछाने (शुकान्त शर्मा) लाई घर परिवार तथा स्थानीय आमा समूहले स्वागत गरेको छ ।

वालिङ ५ पित्लेक कोलपाटामा आयोजित स्वागत कार्यक्रममा बोल्नुहुँदै वालिङ नगरपालिका वडा नं. ५ का वडाअध्यक्ष ढाकाराम पंगेनीले लामो समयदेखि हराएका शोभाकान्तलाई आँफू जन्मेको घरसम्म ल्याईपु¥याउने कार्यमा सहयोग गर्ने संस्था तथा ब्यक्तिहरुलाई धन्यवाद ज्ञापन गर्नुभयो । उहाँले राम्रोसँग आँफू तथा आँफू जन्मेको ठाउँको परिचय दिन नसक्ने ब्यक्तिलाई सामाजिक सञ्जाल तथा समाचारको माध्यमबाट पहिचान गराई परिवारसँग पुनर्मिलन बनाउन सफल हुनु एउटा पूण्य कार्य भएको बताउनुभयो ।

कार्यक्रममा रेडियो आँधीखोलाका अध्यक्ष नेत्रप्रसाद पाण्डेले सञ्चार माध्यमको प्रभावकारिता तथा सामाजिक सञ्जालको सही सदुपयोगका कारणले गर्दा शोभाकान्तले लामो समयपछि आफ्नो जन्मभूमिमा आउन सफल भएको बताउनुभयो ।

घर आउन लाखौं कोशिस गर्दा पनि घरको ठेगाना नजानेर विदेशी भूमिमा स्वदेशका विभिन्न भागमा अलपत्र बन्न पुग्नुभएका शोभाकान्तलाई सामाजिक सञ्जाल तथा सञ्चार माध्यमको प्रयोगमार्फत घरपरिवारसँग पुनर्मिलन गराउन सफल हुनुहुने काभ्रे पनौतिका बुद्धकुमार श्रेष्ठसहितको टिमप्रति आभार ब्यक्त गर्नुभयो ।

कार्यक्रममा काभ्रे बनेपास्थित तपाई हाम्रो साप्ताहिकका प्रधानसम्पादक बुद्धकुमार श्रेष्ठले होटलमा काम गर्दै आउनुभएका शोभाकान्तले आँफू घर जान चाहेको र त्यसका लागि पहल गरिदिन अनुरोध गरेपछि सामाजिक सञ्जाल तथा सञ्चार माध्यमहरुको सहायता लिएको बताउनुभयो । आफ्नै कारणले लामो समयदेखि विछोडिएको परिवारलाई पुनर्मिलन गराउन पाउँदा आँफूलाई निक्कै खुशी लागेको बताउनुभयो ।

कार्यक्रममा स्थानीय समाजसेवी भुवानेश्वर लामिछाने, हुमनाथ लामिछाने, आमा समूहकी अध्यक्ष सुशीला लामिछाने लगायतले आशा मारिसकेको आफ्नो परिवारको सदस्य घरमा पाउँदा निक्कै खुशी लागेको बताउनुभएको थियो । सोही अवसरमा काभ्रेको बनेपादेखि वालिङसम्म ल्याएर परिवारको जिम्मा लगाउने कार्यमा महत्वपूर्ण भूमिका खेल्नुभएका बुद्धकुमार श्रेष्ठसहितको टोलीलाई स्थानीयले सम्मान गरेका थिए ।

 

Facebook Comments Box

विचित्र संसार

थप सामाग्री
TOP