नेकपा (एकीकृत समाजवादी) का ५४ केन्द्रीय सदस्य र २९ सांसद सहित नयाँ दल दर्ताका लागि सनाखत ।
काठमाडौं:
नेपाल कम्युनिष्ट पार्टी (एकीकृत समाजवादी) का ५४ जना केन्द्रीय सदस्य र २९ जना सांसदले नयाँ दल दर्ताका लागि सनाखत गरेका छन् ।
उनीहरुले बुधबार दिउँसो आयोगले तोकेको समय सीमाभित्र निर्वाचन आयोग पुगेर सशरीर उपस्थित भई सनाखत गरेका हुन् । उपचारका क्रममा भारतमा रहनुभएका पूर्वप्रधानन्त्री झलनाथ खनालको भने वारेसमार्फत सनाखत गरिएको हो ।
आयोगमा मंगलबार निवेदन दिएका सोमप्रसाद पाण्डे, माया ज्ञवाली न्यौपाने, शारदा देवी भट्ट र राजन राईले भने सनाखत गर्न पाएनन् । दर्ताका समयमा हस्ताक्षर नगरेका उनीहरुलाई भने सनाखत गर्न नदिइएको हो । उनीहरुलाई सनाखत गर्न नदिएकामा नेताहरुले आयोगसँग गुनासो गरेका थिए ।
तर निर्वाचन आयोगले भने यसअघि नै अध्यादेशमा लेखिएको कानुनी प्रावधानले उहाँहरुको निवेदन स्वीकार गर्न नसकिएको जनाएको हो ।
नेकपा (एकीकृत समाजवादी) नेताहरु भने चन्द्रागिरि हिल्समा भएको बैठकबाट सिधै निर्वाचन आएका थिए । आयोगले दलको सनाखतका लागि बिहान ११ः३० बजेदेखि दिउँसो २ बजेसम्मको समय तोकेको थियो ।
समाचार
थप सामाग्रीमानव जीजनलाई सहज बनाउँन राजयोग मेडिटेशन अपरिहार्य : नगर प्रमुख खाँण
१ हप्ता अगाडि
मणी प्रसाद अर्याल/वालिङ : स्याङ्जाको वालिङमा राजयोग मेडिटेशन प्रशिक्षण कार्यक्रम आज आइतबारदेखि सुरु भएको छ । ब्रह्माकुमारी ईश्वरीय विश्वविद्यालय वालिङ…