यहि २७ गते गण्डकी प्रदेशका मुख्यमन्त्रीले विश्‍वासको मत लिने ।

कास्की :

गण्डकी प्रदेशका मुख्यमन्त्री पृथ्वीसुब्बा गुरुङले यहि २७ गते विश्‍वासको मत लिने भएका छन् । मत लिनका लागि आज २५ गते संसद् सचिवालयमा प्रस्ताव दर्ता गराएका छन् । प्रदेश सभामा ठूलो दलको नेताको हैसियतले गुरुङले वैशाख २९ मा मुख्यमन्त्रीको शपथ लिएका थिए ।

अल्पमतको सरकार भएकाले उनले एक महिनाभित्र नै विश्वासको मत लिनुपर्ने संवैधानिक प्रावधान छ । उनलाई सत्ता टिकाउन जम्मा ३१ मत आवश्यक छ। तर, उनीसँग एमालेको २७ र स्वतन्त्र सांसद दीपक मनाङेको १ मत गरी  जम्मा २८ मत छ। जनमोर्चाका सांसद कृष्ण थापाले समर्थन जनाउँदा मुख्यमन्त्री गुरुङसँग २९ मत हुनेछ। त्यस्तै नेपाली कांग्रेस नेतृत्वको विपक्षी गठबन्धनमा उसको १५, माओवादी केन्द्रको १२ (सभामुखसहित) जनता समाजवादी पार्टीको र जनमोर्चाका दुई – दुई जना सांसद छन्। सभामुखले मतदान गर्न नपाउने भएकाले उनीहरूसँग ३० मत छ। हाल सम्म कुनै पनि पक्ष सँग बहुमत छैन । नेपालको राजनीति न हो, हेरौ २७ गते सम्म सांसदिय गणितमा कसको पल्ला भारि हुने हो ।