कृष्ण थापाको सांसद पद जोगियो, गण्डकी सरकार बच्ने सम्भावना ।

पोखरा:
राष्ट्रिय जनमोर्चाका प्रदेशसभा सदस्य कृष्ण थापाको सांसद पद खारेज नगर्न सर्वोच्च अदालतले अन्तरिम आदेश दिएको छ । आइतबार न्यायाधीश कुमार चुडालको एकल इजलासले थापालाई प्रदेशसभा सदस्यको हैसियतमा कामकाज गर्न दिन अन्तरिम आदेश जारी गरेको हो।

सरकारविरुद्ध ल्याएको अविश्वासको प्रस्तावमाथि पार्टीले सहयोग गर्न ह्वीप नै जारी गरिरहँदा थापाले पार्टीको निर्देशन मानेका थिएनन् ।
यो सँगै एमालेको सरकारलाई प्रतिस्थापन गर्ने विपक्षी गठबन्धनको रणनीति फेल खान सक्छ । ६० जना सांसद रहेको गण्डकी प्रदेशमा अब बहुमत अर्थात ३१ सांसद जुटाउन विपक्षीलाई हम्मे पर्ने देखिन्छ ।