केन्द्र कै नियति त भोग्दैन गण्डकी प्रदेशले !

पोखरा :
बिपक्षी गठबन्धनले हिजो ३१ सासदको उपस्थितिमा बहुमत दावी गर्दै प्रदेश प्रमुख समक्ष गएका थिय  तर आज मुख्यमन्त्री पृथ्वीसुव्बा गुरुङले बहुमत दावी गर्दै प्रदेश प्रमुख समक्ष गएका छन् । केन्द्रमा राष्टपतिले प्रतिनिधिसभा विघटन गरे जस्तै केपि ओलीबाट हालै नियुक्त भएकी प्रदेश प्रमुखले पनि कतै प्रदेशसभा नै विघटन त गर्ने होईन्न भन्ने कुरा सबैमा चासोको विषय बनेको छ ।

मुख्यमन्त्रीका प्रेस संयोजक बिक्रम न्यौपानेका अनुसार जसपा केन्द्रीय सदस्य शंकर गौतम, तत्कालीन राजपा गण्डकी संयोजक अनिल परियारको पत्र र राष्ट्रिय जनमोर्चाका कृष्ण थापाले आफू संसदीय दलको नेता भएकाले आफ्नो पार्टीको समर्थन गुरुङलाई रहेको भन्ने पत्रसाथ मुख्यमन्त्री गुरुङले पनि दावी गरेका हुन् ।
विपक्षी गठबन्धनले भने हिजो मुख्यमन्त्रीमा पोखरेललाई दाबी गर्दौ ३१ जना सांसद प्रदेश प्रमुख कार्यालय पुगेका थिए। विपक्षी गठबन्धनमा नेपाली कांग्रेसका १५ जना नेकपा माओवादी केन्द्रका ११ जना , जसपाका २, राष्ट्रिय जनमोर्चाका २ र एक स्वतन्त्र गरी ३१ जना सांसद छन्। ६० सदस्यीय गण्डकी प्रदेश सभामा बहुमत पुर्‍याउन ३१ सांसद चाहिन्छ। फेरि

केन्द्रमा प्रधानमन्त्री एवं नेकपा एमालेका अध्यक्ष केपी शर्मा ओलीले आफूलाई १ सय ५३ जना साँसदको समर्थन रहेको दाबी पेश गरेका थिए भने नेपाली काँग्रेसका सभापति शेरबहादुर देउवाले आफूलाई १ सय ४९ जना साँसदको समर्थन भएको पत्र राष्ट्रपतिलाई बुझाएका थिए । तर राष्ट्रपति भण्डारीले दुवै दाबी पूर्ण नभएको भन्दै मध्यरातमा खारेज गरेकी थिईन । कतै गण्डकीमा पनि प्रदेश प्रमुखले केन्द्रकै राष्ट्रपतिको बाटो समाउने होईनन !