कोरियामा रहेका युवाहरुले वालिङलाई दिए झण्डै सवा चार लाख रुपैया

खगेन्द्र पौडेल/वालिङ:
रोजगारीको शिलशिलामा स्याङ्जा जिल्लाबाट दक्षिण कोरिया पुगेका वालिङ नगरपालिका भित्रका युवा समूहले आफ्नो नगरपालिकालाई झण्डै सवा चार लाख रुपैयाँ नगद सहयोग गरेकाछन् ।
युवाहरुले चार लाख तेईस हजार सात सय अन्ठानब्बे रुपैंया सहयोग गरेका छन । कोरोनाको दास्रो भेरियन्टबाट वालिङ पनि प्रभावित भएकोले कोरोना संक्रमण नियन्त्रणमा सघाउ र बिरामीहरुको हेरचाहको निमित्त सो संकलित रकम नगरपालिकाको बिपत कोषमा जम्मा गरिएको युवाहरुले बताएकाछन् ।
कोरियामा रहेर पनि आफ्नो जन्मभूमिप्रतिको अगाध माया सहितको अमूल्य सहयोगप्रति वालिङ नगरपालिकाका प्रमुख दिलीपप्रताप खाँणले धन्यवाद व्यक्त गर्नु भयो । उहाँले दाताहरुबाट प्राप्त रकम विशेष गरि उपचारार्थ कोभिड संक्रमित बिरामीको लागि औषधी, अक्सिजन, सन्तुलित खाना, एम्बुलेन्स साथै भ्याक्सिनमा खर्च गरिने जानकारी गराउनु भयो ।
सहयोगीहरुको नामावली अभिलेख सुरक्षित राख्दै आम्दानी र खर्चको विवरण नगरपालिकाले नै सार्वजनिक गरिरहेको बताउनु भयो ।
कोरोनाको कहरले विश्व समुदाय यतिखेर आक्रान्त बनिरहेको अवस्थामा नागरबासीको सवालमा सदैव उत्तरदायी रहँदै आएको वालिङ नगरपालिकाको कार्य प्रति थप सहयोग गर्ने उद्देश्यले रकम जुटाएर पठाईएको अभियान्ता राजन गैह्रेले बताउनु भयो । आफ्नो मातृभूमिमा परेको यो मानवीय संकटमा सानो राहत र सहानुभूतिका लागि सहयोग गर्न पाउँदा अभियानमा सहभागी सन्दिप डुम्रेले खुशी व्यक्त गर्नुभयो । १०५ जनाले स्वेच्छिक रुपमा सहयोग संकलनमा जुटेको रकमको भौचरलाई राजेन्द्र प्रसाद लामिछानेले नगर प्रमुख दिलिप प्रताप खाँणलाई हस्तान्तरण गर्नु भएको हो ।

रकम दाताहरुको बिबरण :