कालीगण्डकीकाे भुष्टुङमा भलिबल प्रतियोगिता सम्पन्न ।

स्याङ्जा : होली पर्वको अवसरमा नवजागरण युवा क्लब स्याङ्जाले क्लब स्तरीय भलिबल प्रतियोगिता सम्पन्न गरेको छ। प्रतियोगितामा कालीगण्डकी गाउँपालिका , गल्याङ नगरपालिका र गुल्मी जिल्लाका गरि कुल ३० वटा समूहले सहभागिता जनाएका थिए। सहभागीहरु मध्ये सिंजाली होटल कालीगण्डकी गाउँपालिका वडा नम्बर २ प्रथम , द्वितीय आयोजक नवजागरण युवा क्ल्ब र भगवती जनकल्याण युवा क्लब रिप्दीले तृतीय स्थान हासिल गर्न सफल भएको थियो। यस्तै गरि टाम्केकोट होम स्टे गल्याङले सान्त्वना स्थानमै चित्त बुझाउन परेको थियो। प्रतियोगितामा प्रथम , द्वितीय र तृतीय स्थान हासिल गर्न सफल समूहलाई क्रमशः ३३ हजार ३ सय ३३ , २२ हजार २ सय २ रुपैयाँ र रु ११ हजार १ सय ११ रुपैयाँ, मेडल र प्रमाणपत्र वितरण गरिएको थियो।

सान्त्वना स्थान हासिल गर्न समूहलाई रु ५ हजार ५ सय ५५ रुपैयाँ प्रदान गरिएको थियो। समापन तथा पुरस्कार वितरण कार्यक्रममा प्रतिनिधि सभा सदस्य मोहन पाण्डे प्रमुख अतिथि रहनु भएको थियो। कार्यक्रममा मन्तव्य दिने क्रममा प्रतिनिधिसभा सदस्य मोहन पाण्डेले सकारात्मक सोचले पुर्ण युवा नै आजको समाज परिवर्तनको आधार भएको बताएका छन।