गण्डकीमा कोरोना संक्रमितको कूल संख्या १६ हजार ४ सय २१

गण्डकी प्रदेशमा बुधबार थप १३ जनामा कोरोना पुष्टी भएकाे छ ।

प्रदेश निर्देशनालयद्वारा जारी विज्ञप्ति अनुसार आज गण्डकीका तीन जिल्ला कास्कीका २९४, बाग्लुङका ५ जना र स्याङ्गजा जिल्लाका २ जना सहित जम्मा ३१२ जनाको स्वाब परीक्षण गर्दा कास्कीको पोखरा महानगरका १३ जना र बाग्लुङ जिल्लाका १ जनाको गरी १४ जनाको रिपोर्ट पोजेटिभ आएको निर्देशनालयले जनाएको छ ।

आज थपिएकासंगै गण्डकीमा कोरोना संक्रमितको कूल संख्या १६ हजार ४ सय २१ पुगेको छ । जसमा २३८ सक्रिय संक्रमित छन्।

पछिल्लो २४ घण्टामा गण्डकीबाट ९ जना कोरोनामुक्त भएका छन् । यो संगै, प्रदेशमा कोरोनामुक्त हुनेको संख्या १५ हजार ९ सय ७८ पुगेको छ भने, हालसम्म संक्रमणकै कारण २०५ जनाले ज्यान गुमाईसकेका छन् ।