वालिङमा दोस्रो चरणको कोरोना विरुद्वको खोप अभियान सुरु

वालिङ :
नेपाल सरकारको नीति बमोजिम दोस्रो चरणको कोभिड १९ विरुद्वको खोप अभियान स्याङ्जाको वालिङमा सुरु भएको छ ।
ग्रहौं प्राथमिक अस्पतालमा जनप्रतिनिधि, कर्मचारी,पत्रकार लगायतलाई कोरोना विरुद्वको खोप लगाउने कार्यक्रमको सुरु भएको अस्पतालका अधिकृत तथा सूचना अधिकारी देवेन्द्र प्रसाद भट्टराईले जानकारी दिनुभयो ।
संघीय सरकारको दास्रोे चरणको खोप लगाउने अभियान अन्तर्गत पाँच दिन सम्म जनप्रतिनिधि, कर्मचारी, तथा पत्रकारहरुलाई खोप लगाउने अभियान सञ्चालन शुरु भएको हो ।
मंगलबार पहिलो दिन एक सय ५ जनाले खोप लगाएको वालिङ नगरपालिका स्वास्थ्य शाखाका प्रमुख कमल प्रसाद पाण्डेले जानकारी दिनुभयो । बुधबार पनि खोप अभियान जारी रहने उहाँले बताउनु भयो । अभियान अन्तरगत एक हजार दुई सय भन्दा धेरै व्यक्तिलाई खोप लगाइने प्रमुख पाण्डेले बताउनु भयो ।
पहिलो चरणको खोप अभियान अन्तर्गत यसअघि स्वास्थ्यकर्मीलाई कोरोना विरुद्वको खोप लगाइएको थियो ।

Facebook Comments Box