गल्याङमा दोश्रो चरणको कोरोना विरुद्वको खोप अभियान सुरु

गल्याङ : नेपाल सरकारको नीति बमोजिम दोश्रो चरणको कोभिड १९ विरुद्वको खोप अभियान स्याङ्जाको गल्याङमा सुरु भएको छ ।
गल्याङ नगर अस्पतालमा जनप्रतिनिधि, कर्मचारी र पत्रकारलाई कोरोना विरुद्वको खोप लगाउने कार्यक्रमको सुरु भएको हो ।
संघीय सरकारको दोश्रो चरणको खोप लगाउने अभियान अन्तर्गत मंगलबार र बुधबार गल्याङ नगरपालिका र कालीगण्डकी गाउँपालिकाका जनप्रतिनिधि, कर्मचारी, तथा पत्रकारहरुलाई खोप लगाउने अभियान सञ्चालन भैरहेको छ ।
गल्याङ नगरपालिका प्रमुख भुपराज अधिकारीले खोप लगाई कार्यक्रमको शुभारम्भ गरिएको छ ।
सो अवसरमा नगरप्रमुख अधिकारीले सबै नगरवासीको पहुँचमा खोपको मात्रा पुरा गर्न आफुले पहल गर्ने प्रतिबद्वता जनाउनुभयो ।
उहाँले कोरोना भाइरस कोभिड १९ को संक्रमणबाट जोगिनका लागि यो खोप अभियान प्रभावकारी हुने विश्वास व्यक्त गर्नुभयो ।
नगरप्रमुख अधिकारीले भन्नुभयो –‘संघीय सरकारबाट चाहिएजति खोप नआएमा नगरपालिकाले नै व्यवस्थापन गरेर भएपनि सबै नगरवासी सम्म खोप पु¥याउने लक्ष राखिएको छ ।
मंगलबारको अभियानमा यो समाचार तयार पार्दासम्म गल्याङ नगरपालिकाका एक सय १६ जनाले र कालीगण्डकी गाउँपालिकाका एक सय २६ जनाले खोप लगाएको गल्याङ नगरपालिका स्वास्थ्य शाखाका विपिन कोइरालाले जानकारी दिनुभयो । बुधबार पनि खोप अभियान जारी रहनेछ ।
पहिलो चरणको खोप अभियान अन्तर्गत यसअघि स्वास्थ्यकर्मीलाई कोरोना विरुद्वको खोप लगाइएको थियो ।

Facebook Comments Box