पुतलीबजारका ५ युवालाई नबिन सोच प्रमाणपत्र

भवानी अधिकारी/स्याङजा :
कोभिड १९ उद्धार र सामाजिक आर्थिक प्रतिकार्य परियोजना अन्र्तगत पुतलीबजार नगरपालिकाका ५ जनालाई नविन सोच प्रमाणपत्र प्रदान गरिएको छ ।
प्रमाणपत्र हस्तान्तरण गर्दे नगरप्रमुख सीमा क्षेत्रीले नविन सोचलाई ब्यवहारमा उतारी ब्यवसायी बन्न सुझाव दिनुभयो । पुतलीबजार नगरपालिका र संयुक्त राष्ट्र संघिय विकास कार्यक्रम यूएनडीपीको आर्थिक सहयोग र सूर्योदय क्लवको ब्यवस्थापनमा नवप्रवर्तनमा आधारितभई उद्यम ब्यवसायमा नविन सोच सहितको कार्यक्रम सुरु गरेका युवाहरुलाई ५० हजार नगद सहित प्रमाणपत्र सहित नगद उपलब्ध गराइएको हो ।
नयाँ सोच सहित दुना टपरी निर्माण गर्ने वडा नं. ५ का तुलसीराम रेग्मी, ह्याचरी मेशिन निर्माण गर्ने वडा नं. ३ का चित्रबहादुर खत्री, अजोला खेती गर्ने वडा नं. ४ का महेन्द्र थापा, वडा नं. ४ का डकनाथ कुखुरा पालन गर्ने रेशम बहादुर गुरुङ र मानवमुत्रवाट मल बनाउने वडा नं. ११ का ज्योती रेग्मीलाई प्रमाणपत्र प्रदान गरिएको हो ।