जातिय विभेद र कोभिडले महिलामा पारेका असर बारे अन्तरक्रिया ।

भवानी अधिकारी/स्याङजा :
जातिय विभेद तथा कोभिड १९ र यसले महिलामा पारेका प्रभाव बिषयक जातिय विभेद र कोभिडले महिलामा पारेका असर बारे अन्तरक्रिया गरिएको छ ।
गण्डकी प्रदेश अन्तरगत सामाजिक विकास मन्त्रालय र इन्सेक पोखराको आयोजनामा बुधवार पुतलीबजारमा जातिय विभेद र कोभिडले महिलामा पारेका असर बारे अन्तरक्रिया गरिएको हो ।
जातिय विभेद र कोभिडले महिलामा पारेका असर बारे अन्तरक्रियामा बोल्दै नगरप्रमुख सीमा क्षेत्रीले संबिधान र कानूनमा परिवर्तन भए पनि ब्यहारमा कार्यान्वयन नहुदा जातिय तथा लैगिक बिभेद हुने गरेको बताउनुभयो । हिजोका तुलनामा बिभेदहरु धेरै कम भएको जनाउदै ती प्रर्याप्त नभएको उहाको भनाई छ ।
कार्यक्रममा नेकपा नगर कमिटी अध्यक्ष तारा शर्मा, नेपाली कांग्रेस जिल्ला सदस्य पृथ्वीप्रसाद पोखरेल, विश्व हिन्दु महासंघका केन्द्रीय सदस्य नेत्रप्रसाद पराजुली, सामुदायिक बन उपभोक्त महासंघका अध्यक्ष दोवबहादुर कार्की, समाजसेवी ध्रुब अधिकारी, प्राध्यापक सोमनाथ लम्साल, अधिबक्ता युगनारायण श्रेष्ठ, नेपाल दलित संघका अध्यक्ष लीलबहादुर रनपाल, पुतलीबजार नगरपालिकाका स्वास्थ्य प्रमुख बिष्णुप्रसाद काफले, सहभागी भगत गुरुङ लगायतले मन्तब्य ब्यक्त गर्नुभएको थियो ।
कार्यक्रममा अधिवक्ता प्रकाश अर्यालले जातिय विभेद तथा कोभिड १९ र यसले महिलामा पारेका प्रभावका बारेमा कार्यपत्र प्रस्तुत गर्नुभएको थियो ।
मानव अधिकार तथा इन्सेक नगर समिति तारकबहादुर केसीको अध्यक्षतामा सम्पन्न कार्यक्रमको संचालन सहजकर्ता सृजना थापाले गर्नुभएको थियो ।

Facebook Comments Box