फेसबुक मार्फत स्याङजाकी महिलालाई १० लाख ठगे बाजुराका पाण्डेले ।

स्याङजा :
स्याङ्जाकी एक महिलालाई सामाजिक सञ्जाल फेसवुक मार्फत दश लाख भन्दा धेरै ठगी गरेको आरोपमा बाजुराका एक युवा पक्राउ परेकाछन् ।
प्रहरीले बाजुराको हिमाली गाँउपालिका वडा नम्वर ४ का २७ बर्षीय रुपचन्द्र पाण्डेलाई बाँकेको नेपालगन्जबाट पक्राउ गरेको हो ।
पाण्डेले स्याङजाकी एक महिलालाई आँफू ब्राजिलमा रहेको र परिवारका सदस्य गम्भिर बिरामी परेको भन्दै बिश्वास दिलाई १० लाख २८ हजार ७ सय ठगी गरेको स्याङजाका प्रहरी प्रबक्ता राजेन्द्र प्रसाद अधिकारीले जानकारी दिनुभयो ।
पक्राउ परेका पाण्डेलाई जिल्ला अदालत स्याङजाबाट म्याद थप गराई अनुसन्धान शुरु गरिएको प्रबक्ता अधिकारीले बताउनु भयो । पाण्डे बिरुद्ध आपराधिक विश्वासघात तथा आपराधिक लाभ सम्बन्धी मुद्धा दर्ता गरिएको प्रहरीको भनाई छ ।

भिडियाे : वालिङमा जनस्वास्थ्य विपदको घोषणा, एक हप्ताकाे बन्दमा के गर्न पाईन्छ के गर्न पाईदैन : नगरप्रमुख खाँण