केसीको ठाउँमा स्याङजाका मोहन पाण्डेलाई सांसद बनाउने काँग्रेसको निर्णय ।

 २८ कार्तिक २०७७, शुक्रबार १९:५३   | आँधीखोला समाचार डेस्क

केसीको ठाउँमा स्याङजाका मोहन पाण्डेलाई सांसद बनाउने काँग्रेसको निर्णय ।

काठमाडौं : नेपाली काँग्रेसले आफ्नो पार्टीका एक प्रतिनिधि सभा सदस्यको रिक्त स्थानमा मोहनप्रसाद पाण्डेलाई मनोनयन गर्ने निर्णय गरेको छ। समानुपातिक तर्फका सांसद सूर्यबहादुर केसीको निधन भएकोले उनको स्थानमा पाण्डेलाई मनोनयन गर्ने निर्णय गरेको हो।

शुक्रवार पार्टीको केन्द्रीय कार्यालय सानेपामा बसेको बैठकले उक्त निर्णय गरेको केन्द्रीय कार्यालयका मुख्य सचिव कृष्णप्रसाद पौडेलले जानकारी दिनुभयाे ।  

‘प्रतिनिधि सभा सदस्य निर्वाचन ऐन, २०७४ को दफा ३० को उपदफा (२) र प्रतिनिधि सभा सदस्य निर्वाचन नियमावली, २०७४ को नियम ४७ को उपनियम (१) बमोजिम रिक्त प्रतिनिधि सभा सदस्यको पदमा सोही नियमावलीको उपनियम (२), (३) र (४) बमोजिम प्रतिनिधि सभा सदस्य समानुपातिक निर्वाचन प्रणाली तर्फको निर्वाचित सदस्य श्री सूर्यबहादुर केसी को निधन भई रिक्त भएको प्रतिनिधि सभा सदस्य पदमा नेपाली कांग्रेस राजनीतिक दलबाट निर्वाचन आयोगमा बुझाइएको सामानुपातिकको वन्दसूचीको क्र.स. १२ मा खस आर्य समूहतर्फ नाम रहनु भएका श्री मोहनप्रसाद पाण्डेलाई प्रतिनिधि सभा सदस्य पदमा मनोनयन गर्ने निर्णय गर्दछ,’ केन्द्रीय समितिको बैठकपछि जारी गरिएको विज्ञप्तिमा भनिएको छ।

प्रतिनिधिसभा सांसद सूर्यबहादुर केसीको कात्तिक १७ गते राति निधन भएको थियो। स्थापित व्यवसायीसमेत रहेका उनी नेपाली काँग्रेसका आमन्त्रित केन्द्रीय सदस्यसमेत थिए।

Facebook Comments
यो पनि पड्नुहोस..  सिद्धार्थ राजमार्गका घुम्ती काट्दा विभेद गरियो : उपनेता श्रेष्ठ

अन्तिम अपडेट: २८ कार्तिक २०७७, शुक्रबार १९:५३





-->