वालिङ् नगरपालिकाले कोभिड-१९ को उपचार नि:शुल्क गर्ने ।

वालिङ : स्याङ्जास्थित वालिङ नगरपालिकाले  कोरोना उपचार नि:शुल्क हुने जनाएको छ। सरकारले अशक्त, विपन्न, सुरक्षाकर्मी र स्वास्थ्यकर्मी बाहेकको उपचार गर्न नसकिने निर्णय गरे पनि नि:शुल्क उपचारलाई वालिङ नगरपालिकाले निरन्तरता दिने भएको हो। 

स्वास्थ्य उपचार संविधानप्रदत्त नागरिकको अधिकार भएको उल्लेख गर्दै मेयर दिलिपप्रताप खाँडले भन्नुभयाे, ‘काेभिड-१९ संक्रमितको उपचार अहिलेसम्म नि:शुल्क गर्दै आएका थियौं। अब पनि गर्छौ।’ 

नगरपालिकामा पर्याप्त पिसीआर किट भएको उनले जानकारी दिए।  स्थानीय सरकार आफ्नो दायित्व बाट नचुक्ने खाँडले बताउनु भयाे ।