विगो बुझाउन नसकेर रिहा नभएका कैदीहरुलाई स्याङ्जाका नेताहरुले गरे आर्थिक सहयोग
जिल्ला कारागार स्याङ्जामा रहेका ४ कैदीहरुलाई जिल्लामा क्रियाशिल राजनैतिक नेतृत्वले विगो वापतको रकम तिरेर रिहा गराउन लागेका छन् ।
नेपाली कांग्रेसका नेता तथा संविधान सभाका सदस्य राजु थापा र नेकपा स्याङ्जाका अध्यक्ष सूर्यप्रसाद गैह्रे ‘पारस’ ले संविधान दिवसको अवसरमा क्रमशः २/२ जना कैदीलाई उनीहरूले तिर्न नसकेको विगोबापतको रकम तिरिदिएर छुटाउन लागेका हुन् ।
चोरी केसमा कैदमा राखिएका ४ जना कैदीले विगोबापतको रकम तिर्न सकेका थिएनन् । पारस र थापाले ५/५ हजार रुपैयाँ कारागारलाई हस्तान्तरण गरेर ४ कैदीलाई निकाल्न लागेका हुन् । उनीहरूले पुरा गर्नुपर्ने कैदमा ५० प्रतिशत छुट दिई संविधान दिवसको अवसरमा छाड्न लागिएको जिल्ला कारागारका जेलर शाखा अधिकृत चुणामणि भण्डारीले जानकारी दिए ।
संविधान दिवसको अवसरमा ५० प्रतिशत कैद भुक्तान गरी छुट पाएका कैदीहरु पुतलीबजार नगरपालिका–१, का डमबहादुर गुरुङ, भक्त बहादुर भुजेल, अर्जुनचौपारी–२, का पितम खत्री, शंखर खत्री र चापाकोट नगरपालिका–२, का लालबहादुर नेपाली रहेका छन् । गुरुङ, भुजेल र खत्रीद्वयलाई राजनैतिक नेतृत्वले रकम जम्मा छाड्न छाड्न लागिएको हो
सधैं झै जिल्ला कारागरले जेलमा राम्रो व्यवहार देखाउनेहरुलाई संविधान दिवसको अवसरमा कैदमा मिनाहा स्वरूप छोड्दै आएको छ । कारागारले वार्षिक रुपमा २/३ जनालाई छोड्दै आएकोमा यो पटक ५ जनालाई छोड्न लागेको हो ।
संविधान दिवसको अवसरमा ५० प्रतिशत कैद भुक्तान गरी छुट पाएको चापाकोट–२, का नेपाली गौबदमा जेल चलान भएका थिए । हाल कारागारमा १ सय ४८ पुरुष र १४ महिला गरि जम्मा १ सय ६२ कैदी बन्दी रहेका छन् । समाचार तथा तस्वीर : लाेकान्तर डटकमबाट
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


