चापाकोटको किसान प्राविधिक शिक्षालयमा गैह्रेको हाजिरीसँगै स्थानीबासीमा खुशी, नगरप्रमुख गिरिले गरे स्वागत ।

दिवस भण्डारी /स्याङ्जा :

स्याङ्जाको चापाकोट नगरपालिका वडा न.१० किसानस्थित रहेको किसान प्राविधिक शिक्षालयमा नयाँ शिक्षालय प्रमुखका रुपमा मणिप्रसाद गैह्रे हाजिर भएका छन् । आज चापाकोट नगरपालिकाका नगरप्रमुख शिवकुमार गिरिले गैह्रेलाई किसान प्राविधिक शिक्षालयमा स्वागत गरेका हुन् ।

स्वागतको क्रममा नगरप्रमुख गिरिले किसान प्राविधिक शिक्षालय चापाकोटको गहना भएको र यो शिक्षालयमा भोलिका देशका कर्णधार उत्पादन गर्ने जिम्मेवारी तपाईको हातमा भएको भन्दै मणिप्रसाद गैह्रे समक्ष मिलेर काम गर्न अनुरोध गरेका थिए ।

नयाँ जोश र जागरका साथ किसान प्राविधिक शिक्षालय प्रवेश गरेको र सबैसँग हालेमालो गर्दै अगाडि बढ्न आफु इच्छुक रहेको गैह्रेले बताएका छन् ।

सीटीईभीटी अन्तरगतको आङ्गिक शिक्षालय अन्तरगत रहेको किसान प्राविधिक शिक्षालयको प्रमुखमा गैह्रे हाजिर भएसङ्गै स्थानीयबासीमा अब शिक्षालयले मुहार फेर्ने भयो भन्दै हर्षित भएका छन् ।