पुर्ब उपप्रधानमन्त्री श्रेष्ठद्धारा पुतलीबजारलाई स्वास्थ्य सामाग्री प्रदान ।

भवानी अधिकारी/स्याङजा :
नेपाली कांग्रेसका केन्द्रीय सदस्य एवं पुर्ब उपप्रधानमन्त्री गोपालमान श्रेष्ठले कोरोना संक्रमण न्यूनीकरणका लागि स्वास्थ्य सामाग्री उपलब्ध गराउनुभएको छ ।
कोरोना भाइरसको महामारीबाट जोगिन र जोगाउन अग्रपंक्तिमा रही अहोरात्र खटिने स्वास्थकर्मी र सुरक्षाकर्मीलाई लक्षित गर्दै पुतलीबजार नगरपालिलाई मास्क र सेनीटाइजर उपलब्ध गराउनुभएको हो ।
नेता श्रेष्ठद्धारा उपलब्ध गराइएका ती सामाग्री नेपाली कांग्रेस पुतलीबजार नगरसभापति वेदप्रसाद दोरंगाको नेतृत्वमा, जिल्ला सदस्य उत्तमप्रसाद श्रेष्ठ र वडा सदस्य बिष्णुप्रसाद श्रेष्ठ सहितको टोलीले नगर प्रमुख सीमा क्षेत्रीलाई हस्तान्तरण गर्नुभएको हो ।
नेता श्रेष्ठले ३ हजार थान मास्क र १ सय ६० वटा सेनीटाईजरगरी करिब ५० हजार मुल्य बरावरका सामाग्री उपलब्ध गराउनुभएको नगरसभापति दोरंगााले जानकारी दिनुभयो ।

।

स्याङ्जामा थपिए ५ जना कोरोना संक्रमित,पर्वतमा पनि काेराेना देखियाे ।