स्याङ्जाका २२ सहित गण्डकी प्रदेशमा थपिए ३७ जना, संक्रमितकाे संख्या १८८ पुग्यो

गण्डकी प्रदेशमा थप ३७ जनामा कोरोना संक्रमण पुष्टि भएको छ । शुक्रवार बिहान प्रदेशको स्वास्थ्य निर्देशनालयले विभिन्न ४ जिल्लाका ३७ जनामा कोरोना संक्रमण देखिएको पुष्टि गरेको हो ।

निर्देशनालयका अनुसार शुक्रवार बिहान सबैभन्दा धेरै स्याङ्जामा २२ जनामा कोरोना संक्रमण पुष्टि भएको छ ।

स्याङ्जामा एकै दिन थपिए २२ जना संक्रमित, जिल्लामा संक्रमितको संख्या ६० पुग्यो ।

यस्तै पर्वतका १३ जना, तनहुँको १ जना र नवलपरासी (बर्दघाट सुस्ता पूर्व)को १ जनामा कोरोना संक्रमण पुष्टि भएको छ ।

गण्डकीका १८८ जना संक्रमित मध्ये १० जना निको भएका छन् भने १ जनाको मृत्यु भएको छ ।