लकडाउनका कारण सिमा नाकामा नै ज्यान गुमाए स्याङ्जाका देव बहादुर ।

स्याङ्जा :
स्याङ्जाको हरिनास गाउँपालिका वडा नम्वर २ चिसापानीका ३२ वर्षीय देवबहादुर थापाको नेपाल फर्किने क्रममा भारतको नौतनवामा निधन भयो ।
कोरोना भाईरस कोभिड– १९ का कारण भारतमा रोजगारी गुमेपछि नेपाल आउन खोज्दा दुवै देशमा ‘लकडाउन’ चलिरहेको थियो ।
उनी हिँडेरै नेपाल आउने प्रयासमा थिए, तर सीमा बन्द भएकाले नेपाल प्रवेश पाएनन । उनलाई सीमापारि नै नौतनवास्थित राजीव गान्धी पीजी कलेजको क्यारेन्टाइनमा राखियो ।
बाँचे आफ्नो परिवारसँगै बस्ने, मरेपनि आफ्नै देशमा मर्ने संकल्प गरेर यात्रा तय गरेका उनको जेठ १० गते क्वारेन्टाइनमै मृत्यु भयो । श्वास छँदा सम्म नेपाल टेक्न पनि पाएनन ३५ बर्षीय देब बहादुर ।
थापाको मृत्युपछि कोभिड– १९ परीक्षणको नतिजा नेगेटिभ आयो । कोरोना संक्रमण भएको नपाईए पछि शव परिवारको जिम्मा लगाइयो । परिवारका सदस्यले नेपाल मै ल्याएर अन्तिम संस्कार गरे । सुनौलीबाट नौतनवा सम्म एम्वुलेन्स पठाएर सोही एम्बुलेन्समा नै तनहुँको दुलेगांडामा ल्याई थापाको अन्तिम संस्कार गरिएको हो । दुलेगौडा उनको परिवारको अन्तिम संस्कार गर्ने ठाँउ भएको स्थानीय टोप भुजेलले बताउनु भयो ।
अर्कैका देशमा क्वारेन्टाइनमा बिरामी हुँदा पनि उपचार नपाएर मृत्यु भएको आमा देवीमाया थापाको गुनाशो छ । उहाँले रुँदै भन्नुभयो, ‘कतारमा ४ वर्ष बसेर गएको मंसिरमा छोरो घरमा आएको थियो, त्यसपछि माघमा भारतको अलिगढ कामको खोजीमा गएको थियो ।
यो महामारीले काम गुमेपछि घर आएर तरकारी खेती गर्ने सोच छ भन्दै थियो, तर घर आइपुग्नै पाएन ।’ आमाले भन्नुभयो ।
देवबहादुरका श्रीमती र दुई छोरी छन । अब उनीहरूको पनि बिचल्ली भएको छ । श्रीमतीको अर्धचेत अवस्थामा नै छन् भने आमा तथा बुवाको अवस्था पनि अत्यन्तै पीडा दायी छ ।
बिदेशमा रहेका नेपालीहरुलाई सरकारले बेलैमा स्वदेश ल्याउने बातावरण बनाएको भए थापा नेपालमा जीवितै आउन पाउने थिए भन्छन् उनको परिवार ।

Facebook Comments Box