वालिङ : कोभिड १९ राहत कोषमा ३९ लाख ५३ हजार संकलन

तोलाकान्त बगाले/वालिङ :

वालिङ नगरपालिकाले स्थापना गरेको ‘वालिङ नगरपालिका कोभिड १९ राहत कोष’ मा बिहीबारसम्म ३९ लाख ५३ हजार ४ सय ६२ संकलन भएको छ ।

वालिङ नगरभित्रका १४ वटै वडामा कोभिड १९ को संक्रमणबाट गुज्रिरहेको अवस्थामा नपाको प्रभावित नागरिकहरु सिमान्तकृत, गरीब, दैनिक ज्यालादारी, गुजारा ब्यवसाय र सडक जीवन बिताईरहेकाहरुलाई खाद्यान्न तथा राहत उपलब्ध गराउने उद्देश्यले स्थापना गरिएको कोषमा नगद तथा जिन्सी गरी रु. ३९ लाख ५३ हजार ४ सय ६२ संकलन भएको वालिङ नगरपालिकाले जनाएको छ ।

नगरपालिकाको राहत कोषमा पतंजलि आयूर्वेद केन्द्र नेपालद्वारा १ लाख ८ हजार बराबरको खाद्यान्न तथा साबुन, रणबहादुर विश्वकर्मा वालिङ ९ बाट १५ हजार, दिपेन्द्र अर्यालय वालिङ १ बाट ३ हजार ३ सय ३३, पूर्णिमा यूवा परिवार वालिङ ३ रानीस्वाँराबाट २२ हजार,

लोकनाथ बगाले वालिङ ८ बाट ३ हजार ७२, वालिङ नगरपालिकाका आईटी ईञ्जिनियर प्रकाश अर्यालबाट १० हजार ५०, जीवन अर्याल गल्याङ ८ बाट ५ हजारसहित नगरपालिकाको राहत कोषमा बिहीबारसम्म नगद २९ लाख, १८ हजार ६ सय ४७ र जिन्सी १० लाख ३४ हजार ८ सय १५ गरी कूल रु. ३९ लाख ५३ हजार ४ सय ६२ संकलन भएको वालिङ नगरपालिकाले जनाएको छ ।

वालिङ नगरपालिकाको कोभिड १९ राहत कोषको नेपाल बैंक लिमिटेड वालिङको खाता नं. ०८३००१०६८३३२६७०००००१ मा ईच्छुक संघ संस्था तथा ब्यक्तिगत र संस्थागत सहयोग रकम जम्मा गरी बैंक भौचरको प्रति नगरपालिका कार्यालयमा उपलब्ध गराउन हुन पनि नगरपालिकाले अनुरोध गरेको छ ।