वालिङ : कोभिड १९ राहत कोषमा झण्डै पन्ध्र लाख संकलन

तोलाकान्त बगाले/वालिङ:

वालिङ नगरपालिकाले स्थापना गरेको वालिङ कोभिड १९ राहत कोषमा झण्डै पन्ध्र लाख संकलन भएको छ ।

वालिङ नगरभित्रका १४ वटै वडामा कोभिड १९ को संक्रमणबाट गुज्रिरहेको अवस्थामा नपाको प्रभावित नागरिकहरु सिमान्तकृत, गरीब, दैनिक ज्यालादारी, गुजारा ब्यवसाय र सडक जीवन बिताईरहेकाहरुलाई खाद्यान्न तथा राहत उपलब्ध गराउने उद्देश्यले स्थापना गरिएको कोषमा आईतबार साँझसम्म नगद तथा खाद्यान्न गरी झण्डै पन्ध्र लाख संकलन भएको हो ।

वालिङ नगरपालिकाले स्थापना गरेको राहत कोषमा आईतबार मात्रै वालिङ उद्योग वाणिज्य संघबाट दुई लाख २२ हजार २२२, बहुउद्देश्यीय समाज सुधार आमा समूह वालिङबाट ७५ हजार १३५, भुम्रे नेवा समाज भुम्रेबाट १९ हजार १५७, वालिङ १४ छोरेखर्कमा रहेको सगरमाथा युवाक्लबबाट ११ हजार ६०० र वालिङ १० मदिखोलाका हिमनिधी पंगेनीबाट ५ हजार १६० गरी कूल तीन लाख ३३ हजार २७४ संकलन भएको वालिङ नगरपालिकाले जनाएको छ ।

वालिङ नगरपालिकाको कोभिड १९ राहत कोषको नेपाल बैंक लिमिटेड वालिङको खाता नं. ०८३००१०६८३३२६७०००००१ मा ईच्छुक संघ संस्था तथा ब्यक्तिगत र संस्थागत सहयोग रकम जम्मा गरी बैंक भौचरको प्रति नगरपालिका कार्यालयमा उपलब्ध गराउन हुन पनि नगरपालिकाले अनुरोध गरेको छ ।