कोभिड १९ राहत कोषमा १६ लाख १५ हजार ७२५ संकलन

वालिङ :

वालिङ नगरपालिकाले स्थापना गरेको वालिङ कोभिड १९ राहत कोषमा १६ लाख १५ हजार ७ सय २५ संकलन भएको छ ।

वालिङ नगरभित्रका १४ वटै वडामा कोभिड १९ को संक्रमणबाट गुज्रिरहेको अवस्थामा नपाको प्रभावित नागरिकहरु सिमान्तकृत, गरीब, दैनिक ज्यालादारी, गुजारा ब्यवसाय र सडक जीवन बिताईरहेकाहरुलाई खाद्यान्न तथा राहत उपलब्ध गराउने उद्देश्यले स्थापना गरिएको कोषमा सोमबार साँझसम्म नगद तथा खाद्यान्न गरी रु. १६ लाख १५ हजार ७ सय २५ संकलन भएको हो ।

वालिङ नगरपालिकाले स्थापना गरेको राहत कोषमा दुर्गा खिमा फाउण्डेशन वालिङबाट ५१ हजार, शितलनगर बैकल्पिक खानेपानी उपभोक्ता समूहबाट २० हजार, वालिङ ब्याडमिण्टन क्लब वालिङबाट १५ हजार, मैदान पर्यटन होमस्टे वालिङ १२ सिर्सेकोटबाट १० हजार ५ सय ५०, भानूभक्त र चित्रकला सुबेदी वालिङ ८ बाट १० हजार १ सय, मोहम्मद दिन मियाबाट १० हजार गरी सोमबारमात्रै कूल एकलाख १६ हजार ६ सय ५० संकलन भएको हो ।

वालिङ नगरपालिकाको कोभिड १९ राहत कोषको नेपाल बैंक लिमिटेड वालिङको खाता नं. ०८३००१०६८३३२६७०००००१ मा ईच्छुक संघ संस्था तथा ब्यक्तिगत र संस्थागत सहयोग रकम जम्मा गरी बैंक भौचरको प्रति नगरपालिका कार्यालयमा उपलब्ध गराउन हुन पनि नगरपालिकाले अनुरोध गरेको छ ।