वडा कार्यालयद्वारा खेलाडिलाई सम्मान ।

आँधीखोला खबर/वालिङ :
वालिङ नगरपालिकाको प्रायोजन र वालिङ खेलकुद विकास समितिको आयोजनामा सञ्चालन भएको दोस्रो मेयर कप पुरुष तथा प्रथम उपमेयर कप अन्तर वडास्तरीय महिला भलिबल प्रतियोगितामा महिला तर्फ प्रथम स्थान हात पार्न सफल खेलाडीलाई वालिङ नगरपालिका ८ नं. वडा कार्यालयले आज सम्मान गरेको छ । खेलाडीहरुलाई सम्मान गर्दै वडा अध्यक्ष कमल प्रसाद सुवेदीले खेलाडीहरुको क्षमता विकासमा आफू सधै सकारात्मक रहेको बताउनुभयो । उहाँले खेलाडीहरुको लागि आवश्यक खेलकुद सामग्री सहयोग गर्ने प्रतिबद्धता व्यक्त गर्नुभयो । कार्यक्रममा वडा सचिव प्रेम नारायण सुवेदी र वालिङ खेलकुद विकास समितिका सदस्य केशभक्त गुरुङले खेलाडी देशकै गहना भएको बताउनुभयो । विजयी खेलाडीहरुले आजै वडालाई शिल्ड हस्तान्तरण समेत गरेका छन् । शिल्ड हस्तान्तरण गर्दै खेलाडीहरुलाई खेलमैदान व्यवस्थापन र खेलकुद सामग्री आवश्यक रहेकाले त्यसतर्फ नगरले ध्यान दिनुपर्ने बताएका छन् ।