वालिङ-३ माझकोटमा खुल्यो संकलन केन्द्र

वालिङ,०६,फाल्गुण :
वालिङको वडा नम्वर ३ मा संकलन केन्द्रको स्थापना गरिएको छ । युएनडिपी नेपाल र वालिङ नगरपालिकाको आर्थिक सहयोगमा दियालो संस्थाद्धारा वालिङमा सञ्चालित “सीप तालिम कृषि तथा उद्यम बिकासद्धारा आर्थिक सशक्तिकरण परियोजना अन्तरगत वडा स्तरमा संकलन केन्द्र खोलिएको हो ।
संकलन केन्द्रको उद्घाटन गर्र्दै वडा अध्यक्ष सुकराज गुरुङले संकलन केन्द्रको अभाव भईरहेको बेलामा शुरु गरिएको कार्यक्रमलाई वडाको पूर्ण सहयोग रहने जानकारी दिनुभयो । उहाँले गाँउ—गाँउमा उत्पादित बस्तुले सहज बजार पाउने बिश्वास समेत व्यक्त गर्नुभयो ।
संकलन केन्द्र उद्घाटन कार्यक्रममा जनप्रतिनिधीहरु, स्थानीय सहकारीका सदस्यहरु, अगुवा कृषक लगायतको सहभागिता रहेको थियो ।
वालिङ नगरपालिकाका १४ वटै वडामा उत्पादित बस्तुलाई सहज रुपमा बजार सम्म पुर्याउने लक्ष्य सहित वडा—वडामा संकलन केन्द्र स्थापना भईरहेको कार्यक्रम प्रमुख राधाकृष्ण डुम्रेले जानकारी दिनुभयो ।