वालिङ नगरपालिकाले लोकसेवा आयोगको परिक्षाा तयारीका लागि निशुल्क कक्षा सञ्चालन गर्ने ।
आँधीखोला खबर / वालिङ :
स्याङ्जाको वालिङ नगरपालिकाले निशुल्क लोकसेवा आयोगको तयारी कक्षा सञ्चालन गर्ने भएको छ । लोकसेवा आयोगको तयारी कक्षा सञ्चालन गरी परीक्षा उत्तीर्ण गराउने उद्धेश्यले अभियानको थालनी गरिएको नगर प्रमुख दिलीपप्रताप खाँणले बताउनुभयो ।
“नगरभित्रका शिक्षित युवा युवतीहरुलाई लक्षित गरिएको यस अभियानमार्फत शैक्षिक बेरोजगारी हटेर जाने छ भने नेपाल सरकारका विभिन्न परीक्षाहरुमा यहाँको जनशक्ति उत्कृष्ट भई सरकारी सेवामा कार्यरत हुनका लागि सघाउ पुग्ने विश्वास लिएको छु” नगर प्रमुख खाँणले भन्नुभयो ।
नगरभित्र रहेका शैक्षिक बेरोजगार जनशक्तिका लागि लोक सेवा आयोगको तयारीका लागि टाढा–टाढा जानुपर्ने बाध्यता हटेर जाने र आफ्नै ठाउँमा निशुल्क अध्ययन गर्न पाउने भएकाले पनि ईच्छुकहरुकालागि उपयोगी हुने नगर प्रमुख खाँणको भनाई थियो ।
“पहिलो चरणमा हामीले निशुल्करुपमा अधिकृत र नायब सुब्बाको तयारीका लागि कक्षा सञ्चालनको प्रक्रिया थालेका हौं” नगर प्रमुख खाँणले भन्नुभयो, “आगामी दिनमा बैंकिङ, नेपाल प्रहरी, नेपाली सेनामा प्रवेश गर्नका लागि गर्नुपर्ने सैद्धान्तिक तथा प्रयोगात्मक कक्षाहरु सञ्चालन गर्ने तयारीमा छौं ।”
अधिकृत र नायब सुब्बाका लागि मङ्सीरको पहिलो हप्ताबाट तीन–तीन महिना अवधिका तयारी कक्षाहरु सञ्चालन गर्ने प्रमुख प्रशासकीय अधिकृत गुरुदत्त सुबेदीले बताउनुभयो ।
“तयारी कक्षा सञ्चालनका लागि काठमाडौं, पोखरा तथा वालिङमै लामो समयसम्म अनुभव प्राप्त प्रशिक्षकहरुमार्फत वालिङमै निशुल्क कक्षा सञ्चालन गर्छौं” अधिकृत सुबेदीले भन्नुभयो, “लोकसेवा आयोगले तयार पारेको तथा संभावित पाठ्यक्रमको आधारमा तयारी कक्षा सञ्चालन हुने छ ।” लोक सेवा आयोगको तयारी कक्षामाा लागि कक्षा १२ उत्तीर्ण गरेको, ३५ वर्ष ननाघेको पुरुष र ४० वर्ष ननाघेको महिलालाई सहभागी बनाईने अधिकृत सुबेदीले बताउनुभयो ।
समाचार
थप सामाग्री
अपराध नियन्त्रण र अनुसन्धानमा सघाउन अर्जुनचौपारीमा १३ सीसीटीभी जडान
३ हप्ता अगाडि
स्याङ्जा : स्याङ्जाको अर्जुनचौपारी गाउँपालिका–१ स्थित बजार क्षेत्रमा शान्ति–सुरक्षा सुदृढ बनाउने तथा अपराध नियन्त्रण र अनुसन्धानलाई प्रभावकारी बनाउने उद्देश्यले १३…
Recent Posts
-
स्याङ्जामा बाँदर आतंक ‘पाकेको बाली भित्राउनै पाउँदैनन् किसान’
२ हप्ता अगाडि
-
हाम्रो संस्कार र संस्कृति विषयक वक्तृत्वकला प्रतियोगिता
१ महिना अगाडि
-
गल्याङमा कृषि बजार केन्द्र शुभारम्भ
१ महिना अगाडि
-
विद्यालयमै केरा खेती : उद्यमी बन्दै विद्यार्थी
१ महिना अगाडि
-
चालक–सहचालकलाई दश लाखको दुर्घटना बिमा
१ महिना अगाडि
-
विद्यार्थीलाई झोला
१ महिना अगाडि
-
अनुदानमा कृषि औजार वितरण
१ महिना अगाडि
-
सुत्र प्रणालिको प्रभावकारीता : स्थानीय सञ्चितकोष व्यवस्थापन प्रणाली
२ महिना अगाडि
-
गरिमा विकास बैंक लिमिटेड “बेस्ट म्यानेज्ड डेभेलपमेन्ट बैंक २०२६” बाट सम्मानित
२ महिना अगाडि
-
शनिबार र आइतबार दुई दिन बिदा दिने सरकारको निर्णय
४ महिना अगाडि