सातै प्रदेशका प्रदेश प्रमुख पदमुक्त

सरकारले सातै प्रदेशका प्रमुखहरूलाई पदबाट हटाएको छ । सरकारले गरेको सिफारिशलाई राष्ट्रपति विद्यादेवी भण्डारीले अनुमोदन गरि प्रदेशका प्रमुखहरूलाई हटाएकी हुन् ।

आइतबार राष्ट्रपति विद्यादेवी भण्डारीबाट नेपाल सरकार मन्त्रिपरिषद्को कार्तिक १७ को निर्णयबाट सिफारिस भई आएअनुसार नेपालको संविधानको धारा १६५ को उपधारा (१) को खण्ड (ख) बमोजिम सात प्रदेश प्रमुखहरूलाई पदमुक्त गरेको राष्ट्रपति कार्यालयले जनाएको छ।

पदमुक्त हुनेमा प्रा.डा. गोविन्द बहादुर तुम्बाहाङ- प्रदेश १, रत्नेश्वर लाल (कायस्थ)- प्रदेश २, अनुराधा कोइराला- प्रदेश ३, बाबुराम कुवंर – गण्डकी प्रदेश , उमाकान्त झा – प्रदेश ५, दुर्गा केशर खनाल – कर्णाली प्रदेश, मोहनराज मल्ल – सुदुर पश्चिम प्रदेश रहेका छन् ।

सातै प्रदेश प्रमुखलाई तत्कालीन शेरबहादुर देउवा सरकारले २०७४ माघ ३ गते नियुक्त गरेको थियो।